Zaburi 9:1-20
Ne jatend wer. Wendni onego ower kaluwore gi Muth-laben.* Wend Daudi.
א [Aleph]
9 A Jehova, abiro paki gi chunya duto;Abiro hulo gik madongo duto misetimo.+
2 Anabed mamor kendo anail nikech in;A Nyasaye Mamalo Chutho, abiro pako nyingi gi wende.+
ב [Beth]
3 Ka jowasika ringo,+Ginichwanyre mi gilal nono e nyimi.
4 Nikech iseng’adona bura makare;Ibet e kom-lochni king’ado bura kare.+
ג [Gimel]
5 Isesiemo ogendni+ mi iketho joricho,Kendo iserucho nyingegi nyaka chieng’.
6 Isetieko wasikwa chuth;Ne imuko miechgi,Kendo wich biro wil kodgi chuth.+
ה [He]
7 To Jehova biro locho nyaka chieng’;+Oseguro kom-lochne mondo ong’ad bura kare.+
8 Obiro ng’ado bura makare ne jo ma odak e piny;+Enong’ad bura makare ne ogendni.+
ו [Waw]
9 Jehova nobed kar bwok ne jo ma ithiro,+En e kar bwok ne jo ma chandore.+
10 Jo ma ong’eyo nyingi nogen kuomi;+A Jehova, ok inijwang’ jo ma manyi.+
ז [Zayin]
11 Weruru ne Jehova, Nyasaye modak Sayun;Nyisuru ji duto gik madongo mosetimo.+
12 Nikech Jal ma chulo kuor biro paro jo ma rembgi osechuer;+Wiye ok nowil gi ywak mar jo ma isando.+
ח [Heth]
13 A Jehova, kecha; ne ane kaka jo mosin koda sanda,In e ma igola e lak tho,+
14 Mondo aland tijeni madongo ka achung’ e dho rangeye mag nyar Sayun,+Kendo abed moil nikech iseresa.+
ט [Teth]
15 Ogendni osenyumore e bur ma ne gikunyo;Adier, tiendegi osemoko e obadho ma ne giketo giwegi.+
16 Jehova ong’ere kuom ng’ado bura makare.+
Jaricho osenyumore e obadho ma noloso gi lwete owuon.+
Higayon.* (Sela)
י [Yod]
17 Jaricho noring kochomo Liel,*Ee, ogendni duto ma wigi owil gi Nyasaye.
18 To wich ok nowil gi jachan kinde duto,+Kendo geno mar ng’at mamuol ok nolal nono.+
כ [Kaph]
19 A Jehova, a malo! Kik iwe dhano adhana oloyi.
Mad yal ogendni e nyimi.+
20 Gogi gi luoro, A Jehova,+Mondo ging’e ni gin mana dhano. (Sela)
