1. A Jehova mang’won wapako nyingi,

In e Jaloch wating’oni dwondwa.

Wakuloreni iwinj kwayo magwa,

Wapondo e bwo herani mang’won.

Bothwa mapile nyiso ok wan kare,

Wakwayo ng’wono nikech richowa.

Adiera ning’iewowa gi remb Wuodi,

Gombowa sani en ni ipuonjwa.

2. En mor ne joma igwelo dalani,

E laroni mar puonjruok koda ler.

Puonjwa wang’eyi itawa gi Wachni,

Wadwaro dak e hekalu mari.

Wang’eyo ni teko duto gin magi,

Kony jotich magi ochung’ motegno.

A Nyasach warruok Pinyruodhi wageno,

Walando Pinyruoth nikech obiro.

3. Iyie ikonywa bedo gi mor duto,

Lamo maler mol e pinje duto.

Pinyruodhi biro, oguedhwa wan duto,

Ogol tuoche, tho, gi pi wang’ duto.

Wuodi biro otiek richowa duto,

Mor gi gueth nobedi ne chuech duto.

Wawer wate gi dwol ma malo niya:

“Opak Jehova, Ruodhwa nyaka chieng’!”