¿A ni jyodʼꞹ ra jii?
XØRꞸ 37
¿A ni jyodʼꞹ ra jii?
Søø ri xonꞹ ma na kjuana o ma dya ga kjuana:
Texe yo ⱥtⱥ e Cristo ni jyodʼꞹ ra juinji kja nrreje.
□ Na kjuana
□ Dya ga kjuana
Nu jii søø ra tsʼaxkꞹjike dya ra kjaaji nzhubꞹ.
□ Na kjuana
□ Dya ga kjuana
Nu jii nge nu xo pjøxkꞹji ngekʼua søø ra minji texe yo paa.
□ Na kjuana
□ Dya ga kjuana
Zø dya ra juinkiji kjanrreje, dya ra jñꞹnkʼꞹji nguenda e Tsʼitajensʼe.
□ Na kjuana
□ Dya ga kjuana
Yo in jobigø a na juinji kja nrreje, xo ni jyodʼꞹ ra kjaagøyo.
□ Na kjuana
□ Dya ga kjuana
¿I kjaage janzi ga mama nu Jñakjimi? ¿I kjaapꞹge nguenda i ya i jobige ko e Yose? ¿I zopjꞹge yo dyaja ntee yo a na pjechige kja nu Jñakjimi? Ma bi chjꞹrꞹge yo jñii trʼønꞹ ja̱a̱, ngekʼua ma dyabʼe juinkʼiji kja nrreje, i ya na kjinkje ri tsjaageyo. Chebʼe tsʼɇ. Ni jyodʼꞹ ri pa̱ra̱ kjo bʼemi gi søø ri tsjaayo. Kʼo ra mbøxkʼꞹ ri pa̱ra̱ nge ma bi chjꞹrꞹge na joo kja yo trʼønꞹ ndizi nu ja o mbꞹrꞹ .
● Texe yo ⱥtⱥ e Cristo ni jyodʼꞹ ra juinji kja nrreje.
Kʼo na kjuana. E Jesús o pejñe kʼo in xøpꞹ ke ro ma juinji kja nrreje kʼo o discípulo (Mateo 28:19, 20). Nange angeze xo go juinji kja nrreje. Ngekʼua ma ri nee ri tsjaage kʼo nee e Cristo, xo ñetsʼkʼe ni jyodʼꞹ ra juinkʼiji kja nrreje ma gi pa̱ra̱ kʼo nee ra mama i ya gi ⱥtⱥ e Cristo.
● Nu jii søø ra tsʼaxkꞹji ke dya ra kjaaji nzhubꞹ.
Dya ga kjuankʼo. Ma ra juinkʼiji kja nrreje ñetse ke a gui xipji e Jehová ke gi nee ri pɇpi. Ma gi nee ri mimi ja ga nee e Jehová ri ñee ke ra juinkʼiji kja nrreje, nujyo dya nee ra mama ke nu jii søø ra tsʼaxkʼꞹ ke dya kja ri tsjaa nzhubꞹ.
● Nu jii nge nu xo pjøxkꞹji ngekʼua søø ra minji texe yo paa.
Kʼo na kjuana. Xo mama nu Jñaa e Yose nu jii me ni jyodʼꞹ ngekʼua ra søø ra mimi texe yo paa (1 Pedro 3:21). Akjanu dya ra kjijñiji ke ma ra juinkiji kja nrreje ngeje nzikja ma tromꞹji dʼa seguro ke ra mbøxkʼꞹji ngekʼua dyakja pje ra kjogꞹzꞹji. Jiyo, dya nee ra mamayo. Ma ra juinkiji kja nrreje nge ke ri sʼiyaji e Yose Jehová kʼo texe i mꞹbʼꞹji i ri neeji ra pɇpiji texe yo paa(Marcos 12:29, 30).
● Zø dya ra juinkiji kja nrreje, dya ra jñꞹnkʼꞹji nguenda e Tsʼitajensʼe.
Dya ga kjuankʼo. Santiago 4:17 jitsʼiji ke “kʼo pa̱ra̱ ra tsjaa kʼo na joo, pero ma dya kjaajikʼo tunsʼꞹ o nzhubꞹ ma kʼo”,zø ya juiji kja nrreje o jiyo. Nakʼua mbeñege: ¿gi pa̱rge kʼo trebʼe e Tsʼitajensʼe ke ri tsjaage? ¿Mejme søø ri mange ja gi minke? Ma je ga kjanu, ri ñabi ko in tata o ko dʼa kjuarma kʼꞹ ⱥtⱥ na joo e Jehová. Angezeji ra mbøxkʼꞹ ngekʼua ri søø ri tsibʼi kja nrreje.
● Yo in jobigø a na juinji kja nrreje, xo ni jyodʼꞹ ra kjaagøyo.
Dya ga kjuana. Ma ri ñee ke ra juinkʼiji kja nrreje, ni jyodʼꞹ ke ra mbedye kja in mꞹbʼꞹ (Salmo 110:3). I ri tsjaayo, ma ri pa̱rge texe kʼo ni jyodʼꞹ ri tsjaa ngekʼua ra ngetsʼkʼe testigo e Jehová i dya ri yembeñege nange a gi pa̱rge texe kʼo na joo(Eclesiastés 5:4, 5).
Ma ra juinkiji kja nrreje ra potrꞹ jargi mimi
Ma ra juinkiji kja nrreje ra potrꞹ jargi mimige i ra xogꞹ dʼa ngoxtʼi ke bʼꞹbʼꞹ kʼo mi na joo. Xo ni jyodʼꞹ ri tsjaage ja nzi ga nee e Jehová. I ¿pje ngekʼo?Ri pɇpige e Jehová ja nzi bi xipjitsʼeje.
¿A ra sⱥjⱥ nu paa ma ra juinkʼiji kja nrreje? Xo miki mⱥkjedya. ¿Bʼꞹbʼꞹ kʼo xenda ni mubi ke kʼꞹ ri pɇpigee Jehová kʼo texe i mꞹbʼꞹ i pama pama ri mimi na joo ja ga nee angeze?(Mateo 22:36, 37.)
Ri xørꞹ kʼo ra mbøxkʼꞹ ngekʼua ri mimige na joo.
TEXTO KE NI JYOD‘Ꞹ RI XØRꞸ
“Ri øtkʼꞹji ri jyaxtrjoji in nzeroji nzakja na sacrificio kʼꞹ mi na joo a jmii Mizhokjimi, xo ri jyaxtrjoji in pjeñeji ngekʼua tsjageji na joo o bʼɇpji.” (Romanos 12:1)
KʼO SØØ RI TSJAGE
Søø ri dyønꞹge i tata ke ra xitsi pje ma kjuarma o pje ma kju̱ʼu̱ kja nu jmurkjimi kʼꞹ søø ra mbøxkʼꞹge ngekʼua sido ri dyⱥtⱥge e Jehová(Hechos 16:1-3).
¿MI PA̱RGEYO?
Mi na joo ma a ra juinkʼiji kja nrreje, ra chjenjui nzikja “dʼa marca” ke ro kuatrkʼꞹji kja in che̱ʼe̱, ngekʼua ri søø ri minke trʼexe yo paa(Ezequiel 9:4-6).
¡YO RA KJAGØ!
Kʼo mama nu Jñakjimi pje ni jyodʼꞹ ra kjaago ngekʼua ra juinkiji kja nrreje: ․․․․․
¿Pje ni jyodʼꞹ ra øngø in tata ñe in nana ja ga kjaayo? ․․․․․
NUTSʼKʼE, ¿PJE I MANGE?
● ¿Pjekjaa me ni jyodʼꞹ ra juinkʼiji kja nrreje?
● ¿Pjenga juinji kja nrreje ja nzi trʼii ma dyabʼe meyaji na joo kʼo neeji?
● ¿Pjekjaa ja nzi trʼii me tebʼeji na punkjꞹ i dyabʼe neeji ke ra juinji kja nrreje?
[Jñaa]
Ma ri mbenkʼø ke a juinkiji kja nrreje nukʼo pjøxkꞹ ra nee ra kjaagø kʼo na joo i dya kja ri nee ra kjaagø kʼo na sʼoo.’’ (Noemí)
[Nu recuadro/Yo retrato]
kʼo nee ra pa̱ra̱ji pje nge nu jii
¿Pje nee ra mama kʼꞹ ri jii? Ma ra juinkʼiji kja nrreje chenjui ma ya gui chu̱u̱ jama minkʼema mi kjaage kʼo ma sʼoo. I ma ri pedye kja nrreje chjenjui ke a ri yepe rgi mimige i ri tsjaage janzi ga nee e Yose.
¿Pje nee ra mama ma gi xipke e Jehová ke gi nee ri pɇpige? Nee ra mama ke dya kjaa ri tsjaage kʼo gi netsjɇje, kʼo ri tsjaagedya ngextjo kʼo nee e Jehová (Mateo 16:24). Ma gi nee ke ra juinkʼiji kja nrreje, ni jyodʼꞹ ke ri jñagebi ko e Jehová ke a gi nee ri pɇpige janzi ga nee angeze.
¿Pje nge kʼo ra kjaagø ngekʼua ra søø ra juinkiji kja nrreje? Ri mimi ja ga mama nu Jñakjimi i ri jichi yo ntee kʼo na pjechi kja o Jñaa e Diosi. I ni jyodʼꞹ ri jobi na joo ko e Yose, ri dyøtꞹge Mizhokjimi texe yo paa ke ra mbøxkʼꞹ i dya ri jiezi ri xørꞹ nu Jñakjimi. Ma gi nee ri pɇpige e Jehová ni jyodʼꞹ ke jergi jñeje kja i mꞹbʼꞹ ke ri nee ri tsjaakʼo,i dya ngekʼꞹ kjo ra xitsʼi.
¿Janzi kjɇɇ ni jyodʼꞹ ra pɇsʼigø ngekʼua søø ra juinkiji kja nrreje? Dya ni jyodʼꞹ janzi kjɇɇ ke ri pɇsʼi. Kʼo ni jyodʼꞹ, nge kʼꞹ ri pa̱ra̱ na jookʼo nee e Mizhokjimima ri pɇpige.
¿Pje ra kjaagø, ma ri neego ke ra juinkiji kja nrreje i mi tata xitsi ke dyabʼe søø ra kjaagøkʼo i ke xi ra tebʼetrjo? Bʼꞹma angezebi unꞹbi nguenda ke xi ni jyonkʼꞹ ke mergi mⱥjⱥ rgi tsjaa kʼo nee e Jehová, tsjapkʼe nguenrrakʼo i ñuu ja xi rgi jogebi na joo ko e Jehová(1 Samuel 2:26).
[Nu recuadro]
¿ya gi nee ke ra juinkiji kja nrreje?
Ma ri ñuu yo trʼønꞹ yo junsʼꞹba i ri xørꞹ yo texto yo mamaba, i akjanu ri unꞹ nguenda kjoya gi søø ke ra juinkiji kja nrreje.
¿Kjo mejme i kreoge e Jehová? ¿Jaga ñetse ke je ga kjanu?(Salmo 71:5.) ․․․․․
¿i pa̱rge pje nge kʼo na joo ñe pje nge kʼo na sʼoo? ¿Jingua bi tsjaakʼo?(Hebreos 5:14.) ․․․․․
¿Jingua gi øtꞹ e Mizhokjimi? ․․․․․
¿Kjo bʼemi gi xike e Jehová ja gi søʼø? ¿Jaga ñetse kʼo gi mamage ke gi sʼiyage e Yose Jehová?(Salmo 17:6.) ․․․․․
¿Pje xi ri tsjaage ngekʼua na joo rgi dyøtꞹ e Mizhokjimi? ․․․․․
¿Jingua gi xørge ne Biblia?(Josué 1:8.) ․․․․․
¿Pje gi nee ri pa̱rge ma gi xørge nu Jñakjimi? ․․․․․
¿Pje nge kʼo ri tsjaagetsʼeje ngekʼua mazi ri pa̱rge na joo nu o Jñaa e Mizhokjimi? ․․․․․
¿Søø ri mange ke me na joo ja gi nⱥdⱥkjimi? (Nzakja: ¿gi søøge ke gi pjechi ri jizhi na joo kjo nge e Jehová ja ga mama ne Jñakjimi? ¿gi paa nuu kʼo nee ra mba̱ra̱ji o Jñaa e Mizhokjimi? ¿gi neege ri pjꞹrꞹ na xørkjimi?)
□ Ja̱a̱ □ Iyo
¿Gi pa nⱥdⱥjikjimi zø dya ra ma yo ni tata?(Hechos 5:42.)
□ Ja̱a̱ □ Iyo
¿Pje xi gi nee ri tsjaage ngekʼua xe ri nⱥdʼⱥ na joo e Yose?(2 Timoteo 2:15.) ․․․․․
¿Gi page kja texe yo jmurkjimi o bʼꞹma bʼɇtsʼi ja nziyo?(Hebreos 10:25.) ․․․․․
¿Gi unꞹge dʼa jñaa i gi pasʼꞹ in dyee kja yo jmurkjimi? ․․․․․
Ma dakji setsi yo in jyotrʼe, ¿gi page kja yo jmurkjimi ma angezebi dya pebi?
□ Ja̱a̱ □ Iyo
¿Gi mⱥkje ma gi pa nⱥdʼⱥ o Jñaa e Yose?(Salmo 40:8.)
□ Ja̱a̱ □ Iyo
¿Gi mbenkʼe ma dʼa nu paa dya gui tsjapꞹ nguenda kʼo mi nee yo in dyojui ke rgui tsjaage?(Romanos 12:2.) ․․․․․
¿Pje ri tsjaage ngekʼua dya ri jɇzi ri sʼiya e Jehová?(Judas 20, 21.) ․․․․․
Ma i tata o nu kʼo nge i jogebi dya kja ra tsjaaji kʼo nee e Jehová, ¿xe ri dyⱥtⱥge e Jehová?(Mateo 10:36, 37.)
□ Ja̱a̱ □ Iyo
[Yo retrato]
Ma ri ñee ke ra juinkʼiji kja nrreje chenjui nzikja nu chjꞹntꞹ:ri mbeñe na joo
Puede que también le interese
TRʼII ÑE XUNTRʼI
Yo trʼii ñe yo xuntrʼi nee ra mba̱ra̱ji
Yo nee ra mbaraji yo trʼii ñe xuntrʼi nzakja ma kjo nee ra dyobʼꞹbi, xo ñe kjo ra joji, yo tata ñe kja colegio.
