2. Nu trjijmi

“Ra zøji o trjijmi“ (MAR.13:8)

● Na bʼɇzo paa mimi kja na tsʼijñiñi ke ni chju̱u̱ Quaratadji (Níger). Xo pojinu o primo, yo o kjuarma ñe yo in tsʼijue, o mbedyeji nu ja mi menzumꞹji nangeje dya bʼꞹbʼꞹ pje ra ziji. Nakʼua kʼꞹ bʼɇzo paa obʼꞹ kja na pjingua dya joo ga søʼø. ¿Pjenga? “Dya søø ra unꞹ pje ra zii [in pjamilia], dya nee ra jñanrrba o jmiji”, eñe e Sidi, kʼꞹ manda kja kʼꞹ tsʼijñiñi.

¿PJE NGE KʼO YA BO KJOGꞸ? Nzi yencho ntee kja texe ne Xoñijomꞹ ixi dʼaja søʼø tjijmi texe yo paa. A África subsahariana mazi na sʼoo ne tjijmi, nujnu nde jñii ntee dʼaja me jmo̱sʼꞹ. Pa ra unꞹji nguenda kʼo kjogꞹnu, ra kjijñiji na pjamilia ke nge na tata, na nana ñe na tsʼitʼi. Ma ngextjo bʼꞹbʼꞹ jñonꞹ pa yee ntee, ¿kjo nge kʼꞹ dya ra ñonꞹ, ne tata o ne nana? Ne nrrumꞹ nge yo kjogꞹ na punkjꞹ pjamilia texe yo paa.

KʼO MANJI YO NTEE. Ne Xoñijomꞹ unꞹ na punkjꞹ pje ra ziji texe yo ntee, ngextjo ni jyodʼꞹ ra jodʼꞹji ja rga kjapꞹji yo unꞹ ne Xoñijomꞹ ngekʼua texe yo ntee ra mbɇsʼiji pje ra ñonꞹji.

¿NA KJUANA KʼO MAMA YO NTEE? Na kjuana ke yo padya tujmꞹji na punkjꞹ alimento y tunꞹji kja yo dyaja país. Ngekʼua, kʼꞹ rgua joo ke ro tsjaji yo gobierno nge kʼo ro mbenpeji alimento yo dyaja país nu ja bʼꞹbʼꞹ yo ntee kʼo dya pɇsiji pje ra ziji. Zø a kjogꞹ na punkjꞹ kjɇɇ kʼo pje nde kjaji yo gobierno, dya søø ra jokʼꞹji ne ndumꞹ.

¿PJE I MANGE? ¿Kjo na kjuana kʼo mama Marcos 13:8? Zø a bʼꞹbʼꞹdya na punkjꞹ tecnología, ¿xi kjogꞹji tijmi yo ntee?

A ro nuji ke me mbiʼi na zɇzhi ne Xoñijomꞹ, ñe bʼꞹbʼꞹ na punkjꞹ ntee ke dya pɇsʼi pje ra ziji, pe xo bʼꞹbʼꞹ kʼo dyaja ndumꞹ kʼꞹ ñetsjɇ ke ri bʼꞹnji kja yo paa yo ni nguarꞹ.

[Jñaa]

”Na punkjꞹ yo tsʼitʼi kʼo go søji neumonía, diarrea o nde dʼadyo ndotkʼijeme go ndu̱ji, pe dya ro ndu̱ji ma angezeji dya ri jmo̱sʼꞹji.” (ANN M. VENEMAN, EX DIRECTORA EJECUTIVA DE UNICEF)

[Kʼo o tsjaji]

© Paul Lowe/Panos Pictures