6. Ra zopjꞹji yo ntee o jñaa e yose kja texe ne xoñijomꞹ
6. Ra zopjꞹji yo ntee o jñaa e yose kja texe ne xoñijomꞹ
”Xo ra nⱥdʼⱥji dʼadyo jñaa o Reino Mizhokjimi kja texe nu xoñijomꞹ.” (MATEO 24:14)
● E Vaiatea mimi kja na isla nu me na je̱e̱ kja nu Pacífico kja ne ar chipiélago de Tuamotú. Nujnu ka̱ra̱ji 16.000 ntee kja yo ochenta isla kʼe ɇdyiji 803.000 kilómetros cuadrados. Zø me na je̱e̱ yo testigo e Jehová pa zɇnguaji e Vaiatea ñe yo ntee yo ka̱ra̱jinu. ¿Pjenga me poji na je̱e̱? Angezeji nee ra nⱥdʼⱥji o Reino e Diosi kja texe ne Xoñijomꞹzø me na je̱e̱ nu ja bʼꞹbʼꞹji yo ntee.
¿PJE NGE KʼO YA GO KJOGꞸ? Yo testigo e Jehová nⱥdʼⱥji o Reino e Diosi kja texe nu Xoñijomꞹ. Kja nu kjɇɇ 2010 yo testigo e Jehová o jichiji yo ntee 1.600 millón hora kja 236 nde dʼadyo jñiñi, nujyo ne ra mama ke na testigo bo jichi na ntee 30 minuto nzi na paa. Kja yo dyechʼa kjɇɇ ke ya go kjogꞹ bo tsjaji ñe go zogꞹji 20.000 millón skuama ngekʼua o søø bo jichiji o jñaa e Yose.
¿PJE MAMA YO NTEE? Nrreze mi jingua bʼꞹbʼꞹ ntee ke jichiji o jñaa e Yose.
¿NA KJUANA KʼO MAMA YO NTEE? Na kjuana ke a bʼꞹbʼꞹ ntee ke o nee o jichiji o jñaa e Yose, pero dya bo mezheji. Yo testigo e Jehová zopjꞹji me na punkjꞹ ntee nu jñaa e Yose kja texe nu Xoñijomꞹ. Sido jichiji yo ntee zø bʼꞹbʼꞹ kʼo dya neji, dya zogꞹji o bʼɇpji kʼꞹ kjaji ndizi mi jingua jesta nudya. a (Marcos 13:13) Yo testigo e Jehová xokʼꞹji nrrajme ngekʼua ra jichiji yo ntee ko yo skuama kʼo ⱥtrʼⱥji i dya cobraji ni ri na mbexo. Ne bʼɇpji kʼꞹ kjaji kja texe nu xoñijomꞹ kjaji ko ne merio kʼo unꞹji yo ntrʼee ko texe o mꞹbʼꞹji.
¿PJE I MANGE? ¿Kjo na kjuana na nⱥdʼⱥji yo ”dʼadyo jñaa o Reino Mizhokjimi” kja texe nu Xoñijomꞹ? Ma ri janrraji ke na cumple ne profecía, ¿nee ra mama ke a ra sⱥjⱥ kʼo paa kʼo me na joo?
[Jñaa]
a Ma xe gi nee ri pa̱ra̱ ja gua sɇchiji yo testigo e Jehová jñanrra yo video Fieles ante las pruebas, Los triángulos púrpuras y Los testigos de Jehová se mantienen firmes ante el ataque nazi, kʼo bo ⱥtrʼⱥji yo testigo e Jehová.
[Jñaa]
“Ma xi ra nee e Jehová ra sido ra nⱥdʼⱥji yo dʼadyo jñaa nu Reino e Yose, sido ra kjaji texe kʼo ra søji ngekʼua ra sⱥtrʼⱥji kja texe yo ntee yo ka̱ra̱ kja Xoñijomꞹ.” (ANUARIO DE LOS TESTIGOS DE JEHOVÁ 2010)