¡Ya ra sⱥjⱥ kʼo paa kʼo me rga joo!

“Xe na tsʼinrrajme, yo na sʼonte dya kja ri bʼꞹbʼꞹji [. . .]. Pe yo na jonte ra chʼunꞹji ne Xoñijomꞹ ñe me ra mⱥji rga mimiji na joo.” (SALMO 37:10, 11)

¿GI NEE ri jñanrra ja ga cumple nu profecía? Ra xitsʼi ke søø ri creoge ne profecía nangeje na kjuana dya kja ra mezhe ra cumpleyo.

Ko yo profecía ke ya ro nuji, ixi ñetsjɇ ke ri bʼꞹnji kja yo paa yo nin nguarꞹ (2 Timoteo 3:1-5). E Diosi o tsjapꞹ ro mba̱ra̱ janzi bʼɇzo ro dyopjꞹji kʼo ro kjogꞹ yo padya ngekʼua ro tebʼeji ro sⱥjⱥ kʼo paa kʼo me rga joo (Romanos 15:4). Nu na kjogꞹdya kjaa ke ra pa̱rgøji ke dya kja ra mezhe ra nguarꞹ yo na sʼoo yo ri janrrajidya.

¿Pje ra kjogꞹ ma ra teze yo paa yo ni nguarꞹ? Nu Reino e Mizhokjimi ra manda nu Xoñijomꞹ ndeze ajensʼe (Mateo 6:9, 10). Ra janrraji pje mama ne Biblia:

● Dya kja ra bʼꞹbʼꞹ trjijmi. “Me ra jyⱥʼⱥ semia kja ne Xoñijomꞹ, kja yo trʼeje xo ra jyⱥsʼⱥ kʼo ra sigøji” (Salmo 72:16.)

● Dya kja ra bʼꞹbʼꞹ ngijeme. “Dya kjo ra mama: ‘Ri sødyegø’. ” (Isaías 33:24.)

● Ra jogꞹ na joo ne Xoñijomꞹ. “Nu majyadꞹ ñe nu jomꞹ ke me ri dyotrʼꞹ ra jogꞹ ra zøtrjo, kja yo batrʼꞹ ke me ri dyotrʼꞹ ra mbesʼeji na punkjꞹ nzhⱥjnⱥ.” (Isaías 35:1.)

Yo kja ro nuji dya kja ra mezhe ra kjogꞹ a ma axojñiji. Ma xe gi nee ri pa̱ra̱ ja rga cumple yo profecía, dyøtꞹ dʼa testigo e Jehová ra xitsʼi pjenga creo ke dya kja ra mezhe ra e̱je̱ kʼo paa kʼo me rga jotrjo.