Ne Biblia mama pjekja bʼꞹbʼꞹ Mizhokjimi, xo mama pje ra kjaji ngekʼua ra enchʼeji kja in mꞹbʼꞹji, “ni jyodʼꞹ ra kjaji kʼua ja nzi ga nee angeze”, dya nge kʼo manji yo nandyo religión ke bʼꞹnjidya (1 Juan 5:20; Romanos 12:1). Ra nuji kʼo mama ne Jñakjimi, kʼꞹ ñetse ke bʼemi bʼꞹbʼꞹ Mizhokjimi.

•   Kʼꞹ ri janrraji kʼo bʼꞹbʼꞹ ajensʼe ñe kja ne xoñijomꞹ, ixi ñetse ke bo bʼꞹbʼꞹ kʼꞹ go dyⱥtrʼⱥyo. Ne Jñakjimi mama: “Bʼꞹbʼꞹ dʼaja kʼꞹ o jyⱥbʼⱥ yo ngumꞹ. Xo akjanꞹ, kʼꞹ o dyⱥtrʼⱥ texe kʼo bʼꞹbʼꞹ kja ne xoñijomꞹ ñe ajensʼe, nge e Diosi” (Hebreos 3:4). Yo jñaa dya na zʼɇzhi ra meyaji, kʼo ntee ke ngeji científico manji ke na kjuanayo a

•   Na punkjꞹ tee ri nee ra pa̱ra̱ji pjekja ri bʼꞹnkʼøjiba, pjekja o dyⱥkøji e Tsʼitajensʼe. Ma dya ra pa̱rgøji ja ga kja texeyo, dya ri søgøji na joo kja in mꞹbʼꞹji. Ngekʼua, dya ngextrjo kʼꞹ ra sigøji jñonꞹ, xo ni jyongꞹji ra pa̱ra̱ji kʼo mama ne Biblia, kjo bʼemi bʼꞹbʼꞹ Mizhokjimi, ngekʼua, ra kjagøji kʼo nee angeze (Mateo 5:3; Apocalipsis 4:11). E Diosi kʼꞹ o dyⱥkøji nee ke ra pa̱ra̱ji texeyo, ixi ñetse ke bʼꞹbʼꞹ na Kjimi ke me sʼiyazꞹji, bo dyⱥkøji kʼꞹ ra nee ra pa̱ra̱ji ja ga kjayo, ma nge akjanꞹ me ra mⱥji (Mateo 4:4).

•   Na punkjꞹ propjecía kʼꞹ nⱥdʼⱥ ne Jñakjimi, ixko zⱥdʼⱥ ja ba mama zø go kjogꞹ na punkjꞹ kjɇɇ ma ro zⱥdʼⱥ ja ba mama, ixi ñetse ke dya o ngijñitsʼɇji kʼo jñaa kʼo o dyopjꞹji, bo nge o zɇzhi e Mizhokjimi kʼꞹ o mbøsʼꞹji (2 Pedro 1:21).

•   Kʼo bo dyopjꞹji ne Jñakjimi xo mi pa̱ra̱ji kʼo jñaa ke mi manji kʼo científico kja kʼo pakʼo. Nzakja mi bʼꞹbʼꞹ ntee ke mi manji ke nu xoñojomꞹ mi tu̱sʼꞹ na elefante, na jabalí, na nzhꞹnꞹ o nadyo añimale. Ne Jñakjimi mama, “Mizhokjimi o tsjaa ne xoñijomꞹ nzakja ke ri nʼꞹnsʼꞹ, ñe dya kjo tu̱sʼꞹ” (Job 26:7). Xo ne Jñakjimi mama ke ne xoñijomꞹ nge nzakja dʼa “círculo” o dʼa “mbʼelota” (Isaías 40:22; Martín Nieto). Na punkjꞹ tee manji ke kʼo bo dyopjꞹjikʼo, ixi ñetse ke bo nge Mizhokjimi ke go xipjikʼo, ngekʼua ro mba̱ra̱ji ja ma kjayo.

•   Ne Jñakjimi trjꞹrꞹ na punkjꞹ trʼønꞹ kʼꞹ kjaji yo tee ke dya kjaji kʼo nee e Jehová. Angezeji manji ke ma Mizhokjimi na jonte ñe me na sɇzhi, ¿pjekja bʼꞹbʼꞹ na punkjꞹ yo na sʼoo? ¿Pjekja ri kjogꞹji na punkjꞹ nrrumꞹ? ¿Pjekja yo religión kjaji na punkjꞹ kʼo na sʼoo? (Tito 1:16.) Kʼo trjꞹrꞹ ne Biblia, søø ra mbøxkʼꞹ ri ñenchʼe in mꞹbʼꞹ e Diosi.