Twinthe nĩtwigagua bũbũĩ nkorone magiita jamwe. Kwĩthĩrwa tũkigagua ũu, tĩ kwonania atĩ tũtĩĩtĩkĩe Jehova. Riikana atĩ, kinya Jehova naaguũrĩre atĩ naigagua bũbũĩ magiita jamwe. (Kia 6:5, 6) Ĩndĩ rĩ, atũkeeja kwĩthĩrwa kaingĩ kana magiita jonthe tũgĩkaraga na kĩũthũku kĩu?

Romba Jehova ũtethio. Jehova namakagĩĩra ũrĩa tũkũthũgaania na ũrĩa tũkwigua nkorone. Namenyaga rĩrĩa tũgwĩrĩtue na kinya rĩrĩa twinyĩrĩkĩte. Naciũkagĩrwa nĩ jarĩa jagwĩta na mbere mathũgaanione na nkorone cietũ. (Zab 7:9b) Ũntũ bwa kũgwĩria nĩ atĩ, Jehova natũmakagĩĩra na no ombe gũtũtethia rĩrĩa tũkwigua bũbũĩ kana kinya rĩrĩa tũkwigua twinyĩrĩkĩte.—Zab 34:18.

Menyeera mathũgaanio jaaku. Mathũgaanio jatĩbui joomba gũtũma tukaga kũgwĩrua na kinya ũcoore bwetũ na Jehova bũkathũũka. Tontũ bũu, nĩtũbuĩrĩte kũmenyeera nkoro cietũ kana ũmuntũ bwetũ bwa ndeene.—Nju 4:23.

TEGA VIDIO ŨRĨA ATAANA BA BAABA BAKŨGWĨRĨRUA THĨĨRĨ KINYA BAINYĨRĨKĨTE NKORONE, NA RĨU ŨCOOKIE BIŨRIA BIBI BITHINGATĨTE

• Nĩ mantũ jarĩkũ jarĩ na ũguni Nikki aathithĩrie ja kũmutethia rĩrĩa aigagua ainyirĩkĩte?

  Ĩcookio rĩaku

• Nikki oonere nĩ bwega gũcwa ũtethio kuuma kĩrĩ daktarĩ nĩkĩ?—Mat 9:12

  Ĩcookio rĩaku

• Nĩ na njĩra irĩkũ Nikki oonanĩrie nacio nakwĩrĩgĩĩra ũtethio kuuma kĩrĩ Jehova?

  Ĩcookio rĩaku