Iritane Jarĩa Jarĩ Rũtetone rwa Mũrungu

Bibiria ĩrĩna ntũmwa, kana rũteto rwa Mũrungu kĩrĩ twĩ naarua. Nĩĩtwonagia ũrĩa tũũmba gũtũũra bwega, na ũrĩa tũũmba gwĩtĩkĩrwa nĩ Mũrungu. Kinya nĩcookagia biũria bibi:

1 Mũrungu nũũ?

2 Nĩatĩa ũũmba kwiritana mantũ jegiĩ Mũrungu?

3 Nũũ waandĩkĩre Bibiria?

4 Bibiria rĩ, nĩ ya mma kĩsayanci?

5 Nĩ ntũmwa ĩrĩkũ ĩrĩ Bibiriene?

6 Bibiria yaroretie ũntũ bũrĩkũ bwegiĩ Mesiya?

7 Bibiria yaroretie mantũ jarĩkũ jegiĩ ntukũ cietũ?

8 Nĩ wendi bwa Mũrungu antũ bathangĩka?

9 Nĩkĩ tontũ antũ bathangĩkaga?

10 Bibiria ĩrĩna wĩrane bũrĩkũ bwa ĩgiita rĩĩjĩte?

11 Gũkarĩkaga atĩa rĩrĩa muntũ akua?

12 Tũrĩ na wĩrĩgĩĩro bũrĩkũ bwegiĩ barĩa bakuĩte?

13 Bibiria yugaga atĩa ũntũũne bũkoniĩ ngũgĩ?

14 Nĩatĩa ũũmba kũmenyeera into biaku?

15 Nĩatĩa ũũmba kwona kũgwĩrua?

16 Nĩatĩa ũũmba kũũmbana na mĩthangĩko?

17 Nĩatĩa Bibiria yũmba gũteethia nja yaaku?

18 Nĩatĩa ũũmba kũthengeera Mũrungu?

19 Nĩmbi ĩrĩ ndeene ya mauku mwanya mwanya ja Bibiria?

20 Nĩatĩa ũũmba kũgunĩka nkũrũki na ũthoomi bwaku bwa Bibiria?

ŨRĨA ŨŨMBA GŨCWAA ICUNCĨ BIA BIBIRIA

Bibiria ĩrĩ na mauku jamaniini 66 jarĩ amwe. Ĩgaanĩtue maita jaĩrĩ: kũrĩ na Maandĩko ja Kĩhibirania-Kĩaramu (“Kiriikaniro Giikuru”) na Maandĩko ja Kĩgiriki (“Kiriikaniro Gikieru”). O ĩuku rĩa Bibiria rĩrĩ na mĩari na mĩstaarĩ. Rĩrĩa maandĩko jonanĩtue, namba ĩrĩa ĩĩthagĩrwa ĩthingatĩte riĩtwa rĩa ĩuku yonanagia mwari, na namba ĩu ĩngĩ ĩkonania mũstaarĩ. Ngerekano, Kiambiriria 1:1 ĩrĩonania iuku rĩa Kiambiriria, mwari jwa 1, mũstaarĩ jwa 1.