KWAMBĨRĨRIA RWARIA
KĨTHOOMO KĨA 4
Winyiia
Ũritani: “Bwinyiitie, . . . o muntu oonage ungi ari umunene nkuruki yawe wengwa.”—Afl. 2:3.
Ũrĩa Paũlũ Aathithĩrie
1. Tega VIDIO ĩjĩ, kana ũthoome Mathithio 26:2, 3. Rĩu ũcookie biũria bibi bithingatĩte:
-
Nĩ na njĩra ĩrĩkũ Paũlũ oonanĩrie winyiia rĩrĩa aaragia na Mũnene Agrippa?
-
Nĩ na njĩra ĩrĩkũ Paũlũ erekeerie mathũgaanio kĩrĩ Jehova na Maandĩko, antũ a kĩrĩwe wengwa?—Tega Mathithio 26:22.
Nĩmbi Tũkwiritana Kuumania na Paũlũ?
2. Ntũmĩĩri yeetũ nĩringithagia antũ nkũrũki rĩrĩa twamĩtũmĩĩrĩa na njĩra ya winyiia na gĩtĩĩo.
Igerekanie na Paũlũ
3. Aria na njĩra ya gĩtĩĩo. Menya waria na njĩra ĩkwonania teka ũkũmenya mantũ jonthe ĩndĩ ũrĩa ũkwaria nawe gũtĩu aijĩ. Aria nawe na njĩra ya gĩtĩĩo.
4. Onania bwega atĩ mantũ jarĩa ũkwaria jaumĩte Bibiriene. Rũteto rwa Mũrungu rũrĩna mathũgaanio jarĩa jomba kũringithia nkoro cia antũ. Rĩrĩa twarũtumĩra, twĩthagĩrwa tũgĩaka wĩtĩkio bwao mũsingine jũrĩa jwagĩrĩte.
5. Kara ũmaarĩĩrĩte. Menya ũkinyĩĩria muntũ atĩ jarĩa ũkuuga nĩ jamma. Tũtĩkwenda kũringanĩra nkanja. Onania winyiia, ũmaarĩĩre, na wone kagiita karĩa gakwagĩra ga kuumagara. (Nju. 17:14; Tit. 3:2) Kethĩra ũkaria ũmaarĩĩrĩte, kwombĩka muntũ ũu akathikĩĩra ntũmĩĩri yeetũ ĩgiita rĩngĩ.
