KĨTHOOMO KĨA 05
Bibiria nĩ Rũteto rwa Mũrungu kĩrĩ Tuĩ
Jehova natweete Bibiria, nĩ kĩewa gĩa kũrigarania kĩrĩa kĩrĩ na mauku 66, mwanya mwanya. Ĩndĩ no ũciũrie: ‘Nĩkũ Bibiria yaumĩre? Nũũ mũtuungi waayo?’ Kenda tũcookia biũria biu, ka twarĩĩrie ũrĩa rũteto rwa Mũrungu rũrĩa rũrĩ Bibiriene rwejĩre kĩrĩ tuĩ.
1. Rĩ, kethĩra nĩ antũ baandĩkĩre Bibiria, nĩ atĩa Mũrungu arĩ Mũtuungi waayo?
Bibiria yaandĩkĩrwe nĩ antũ ta 40, nkũrũki ya mĩaka 1600 kuuma 1513 M.M.J. mwanka 98 M.J. Aandĩki baayo baarĩ ba mĩrerere na mĩtũũrĩre mwanya mwanya. Amwe na bũu, icuncĩ bionthe bia Bibiria nĩ bigwatanagĩra. Nĩatĩa bũu bwombĩkĩre? Tontũ Mũrungu nĩwe Mũtuungi wa Bibiria. (Thooma 1 Athesalonike 2:13.) Aandĩki baayo bataandĩkĩre mathũgaanio jaao. Ĩndĩ, ‘ni Murungu watumaga antu baarie o uria boojuritwe ni kirundu’ gĩkĩtheru. a (2 Petero 1:21) Mũrungu aatumĩĩre kĩrundu kĩawe gĩkĩtheru gũtoongeria antũ, kana kũbeekĩra inya baandĩka mathũgaanio jaawe.—2 Timotheo 3:16.
2. Nĩ baũ boomba kũgunĩka kuumania na Bibiria?
Antu ba “migongo yonthe, na miiriga yonthe, na migambo yonthe, na mithemba yonthe” boomba kũgunĩka kuumania na nkuma ĩnjega ĩrĩa ĩrĩ Bibiriene. (Thooma Kugwurirwa 14:6.) Mũrungu naatũmĩre Bibiria yaandĩkwa na mĩgambo ĩmiingĩ, nkũrũki ya mauku jangĩ jonthe jarĩa jandĩkĩtwe. Akuĩ antũ bonthe barĩ na Bibiria. Bũũ nĩ ũntũ bwa mma gũtĩkũmakania naarĩa batũũraga kana mũgambo jũrĩa baaragia.
3. Nĩatĩa Jehova akarĩtie Bibiria ĩtĩkeenyangue?
Bibiria yaandĩkĩtwe intone bitĩũmba gũkara mĩaka ĩmiingĩ ta mũgũta na ĩthanje. Ĩndĩ antũ arũme barĩa beendete Bibiria nĩ bamĩkooberie na njara kaĩrĩ na kaĩrĩ batĩgwatia. Aathani bamwe na atongeeria ba ndini nĩbaageretie kũmĩthiria, ĩndĩ kũrĩ na bamwe bairitĩrĩte gwĩkĩra ũtũũro bwao ũgwatine nĩkenda bamĩkaria. Jehova ataarekeria muntũ kana gĩntũ kinya kĩrĩkũ bimũrigĩĩria aaranĩria natuĩ. Bibiria yugaga: “Ruteto rwa Murungu wetu rukarungama kenya na kenya.”—Isaya 40:8.
ĨNJA NKŨRŨKI
Iritane jamaingĩ jegie ũrĩa Mũrungu aatongeererie antu arũme bamwe kwandĩka Bibiria, ũrĩa amĩkarĩrie ĩtĩkathũkangue, na ũrĩa aatũmĩre yonora.
4. Bibiria nĩ ĩgwũraga Mũtuungi waayo
Tega VIDIO. Rĩu ũthoome 2 Timotheo 3:16, na bwarĩĩrie biũria birĩa bithingatĩte.
-
Kethĩra antũ nĩbo baandĩkĩre Bibiria-rĩ, nĩkĩ ĩĩtagwa Rũteto rwa Mũrungu?
-
Rĩ, nĩ ũntũ bwa kũgwatanĩra na mathũgaanio gwĩtĩkia atĩ Mũrungu nĩwe wekĩĩre mathũgaanio jawe kĩrĩ antũ barĩa baandĩkĩre Bibiria?
Karani no aandĩke barũga, ĩndĩ nteto ciayo ciumĩte kĩrĩ muntũ ũrĩa ũkũmwĩra. O ũu, nou antũ baandĩkĩre Bibiria, ĩndĩ nteto ciao ciaumĩte kĩrĩ Mũrungu
5. Bibiria nĩyoonokere ĩtĩkeenyangue
Kethĩra Bibiria yuumĩte kĩrĩ Mũrungu, tũrĩĩrĩgĩĩra amĩkarie ĩtĩkeenyangue. Rĩonthe antũ barĩ na ĩgweta nĩbageretie kũthiria Bibiria. Atongeeria ba ndini nĩbaageretie kũmiitha. Kinya kethĩra nĩkwarĩ na ũregani na ũgwati bwa kũũragwa, antũ babaingĩ nĩ beekĩĩre ũtũũro bwao ũgwatine nĩkenda bakaria Bibiria. Nĩkenda wiritana bwegie ũmwe waao, tega VIDIO, rĩu bwarĩĩrie biũria birĩa bithingatĩte.
-
Rĩ, kũmenya mantũ jamaingĩ nĩ jathithĩtue kenda Bibiria ĩkarua, nĩ gũgũtũma wenda kũmĩthooma? Nĩkĩ?
Thooma Zaburi 119:97, rĩu bwarĩĩrie kĩũria gĩkĩ:
-
Nĩmbi biatongeererie antũ babaingĩ gwĩkĩra ũtũũro bwao ũgwatine kenda bataũra na bagaa Bibiria?
6. Iuku rĩa antũ bonthe
Kĩrĩ historia Bibiria nĩrĩo iuku rĩũmbĩte gũtaũrwa na kũgaanua na wiingĩ. Thooma Mathithio 10:34, 35, rĩu bwarĩĩrie biũria bibi:
-
Nĩkĩ Mũrungu endaga Bibiria ĩtaũrwa na ĩgawa na wingĩ?
-
Nĩmbi bikũgwĩragia Bibiriene?
Akuĩ gĩcuncĩ kĩa
100%
kĩa antũ bonthe nthĩgũrũne
boomba kũthooma Bibiria na mũgambo jũrĩa bagũciũkĩrwa nĩju
Yoonekanaga na mĩgambo
3,000
na nkũrũki
ĩrĩ yonthe kana ta gĩcuncĩ
5,000,000,000
Bũbũ nĩbu ũtari bwa mauku jarĩa jacabi,
na nĩ nkũrũki ya mauku jangĩ jonthe jarĩa jacabi
ANTŨ BAMWE BAUGAGA: “Bibiria nĩ iuku rĩa karaaja rĩandĩki nĩ antũ.”
-
Gwe-rĩ, ũrĩona atĩa?
-
Kũrĩ na ũrikithia bũrĩkũ bwa kwonania atĩ Bibiria nĩ Rũteto rwa Mũrungu?
NA NJĨRA ĨNKUĨ
Bibiria nĩ Rũteto rwa Mũrungu na natũmĩte rũkinyĩra antũ bonthe.
Gũcookera
-
Nĩ ta kwonania atĩa rĩrĩa tũkuuga atĩ Mũrungu naatongeererie antũ kwandĩka Bibiria?
-
Nĩmbi bigũgũkucĩĩria bwegie kwonoka, gũtaũrwa, na kũgawa kwa Bibiria?
-
Nĩatĩa wigagua bwegie Mũrungu nandĩ, waamenya atĩ nethĩrĩtwe aciũmĩtie na inya ũu, nĩkenda aaranĩria nagwe?
CŨNKŨŨNA
Thooma rũgono rwegie Bibiria—ũrĩa yaataũrĩrwe kuuma kĩrĩ mauku ja gũkũnjwa kwĩja kĩrĩ Bibiria ya ntukũ cietũ.
Iritane ũrĩa Bibiria yoonokere mogwati jamanene jathatũ nĩkenda ĩthĩrwa ĩrĩ o.
“Rũgono rwa Ũrĩa Bibiria Yoonokere” (Mnara wa Mlinzi Na. 4 2016)
Ona mogwati jangĩ jathatũ jarĩa antũ baakũrũkĩrĩĩre nĩkenda bataũra Bibiria.
Bibiria nĩ ĩkoobetue na ĩgataũrwa maita jamaingĩ. Nĩatĩa ũũmba kwĩthĩrwa na mma atĩ Rũteto rwa Mũrungu rũtaagarũrwa?
a O ta ũrĩa gũkaarĩrua kĩthoomone kĩa 07, kĩrundu gĩkĩtheru nĩ inya ya Mũrungu.
