KĨTHOOMO KĨA 14
Nĩatĩa Ũthathayia Bwetũ Bũũmba Kũgwĩria Mũrungu?
Ota ũrĩa kwarĩrĩĩtue ithoomone biu bikũrũkĩĩte, tĩ ndini cionthe igwĩragia Mũrungu. Amwe nou, twomba kũthathayia Mũũmbi weetũ na njĩra ĩrĩa ĩkũmũgwĩria. Nĩ njĩra ĩrĩkũ ya ũthathayia kana, ‘ndini’ ĩgwĩragia Mũrungu? (Jakubu 1:27) Ona ũrĩa Bibiria ĩritanaga.
1. Mũsingi jwa ũthathayia bwetũ nĩ jũrĩkũ?
Mũsingi jwa ũthathayia bwetũ jũbuĩrĩte kwĩthĩrwa jũrĩ Bibiria. Jesũ erĩre Mũrungu: “Ruteto rwaku niru umma.” (Johana 17:17) Ndini imwe nireganaga na ũmma bũrĩa bwonekaga kĩrĩ Rũteto rũrĩa rũtongeretue nĩ Mũrungu, Bibiria. Antũ a gũtumĩra Bibiria, bathingataga moritani ja antũ na nkuagaya ciao. Ĩndĩ Jehova atĩgwĩragua nĩ barĩa ‘baregaga maathana ja Murungu.’ (Thooma Mariko 7:9.) Nkũrani na bũu, nĩtũgwĩragia nkoro yaawe rĩrĩa twarũmĩĩra Bibiria na twathingata motaro jaayo.
2. Nĩatĩa tũbuĩrĩte kũthathayia Jehova?
Tũbuĩrĩte kũthathayia Jehova wenka, tontũ nĩwe Mũũmbi weetũ. (Kugwurirwa 4:11) Kũu nĩ kuuga no mwanka tũmwende na tũmũthathayie we wenka, tũtĩgũtumĩra mĩngˈuanano.—Thooma Isaya 42:8.
Ũthathayia bwetũ no mwanka bwĩthĩrwe bũrĩ ‘buutheru na bugwitikirika’ kĩrĩ Jehova. (Aroma 12:1) Kũu nĩ kuuga nĩtũkũbatara kwathĩkĩra mawaatho jaawe. Ngerekano, barĩa bendete Jehova nĩbendete na nĩbathĩkagĩra mawaatho jegie ngũrano. Na nĩbaciebanagia na mĩtugo ĩmĩthũũku, ta kũnyua thigara kana ũtumĩri bũthũũku bwa ndawa kana ncobi. a
3. Nĩkĩ tũbuĩrĩte kũthaathayia Jehova amwe na barĩa twĩtĩkĩtie ũmwe?
Mĩcemanio yeetũ ya o kiumia nĩ ĩtwejaga kaanya ka ‘gukumia Mwathani . . . ntundune.’ (Zaburi 111:1, 2) Njĩra ĩmwe ĩrĩa tũthithagia ũu nĩ kwinĩra Mũrungu ndwĩmbo cia ũmũkumia. (Thooma Zaburi 104:33.) Jehova atwĩraga twĩte mĩcemanione tontũ natwendete na nakũmenya atĩ ĩgatũtethia kũgwĩrĩrua ũtũũro kenya na kenya. Rĩrĩa tũrĩ mĩcemanione nĩtwĩkagĩra bangĩ inya, nabo bagatwĩkĩra inya.
ĨNJA NKŨRŨKI
Cũnkũũna nĩkĩ Jehova atĩtĩkagĩĩria ũtumĩri bwa mĩngˈuanano kĩrĩ ũthathayia. Iritane njĩra injega irĩa tũũmba gũkumia nacio Mũrungu.
4. Tũtĩbuĩrĩte gũtumĩra mĩngˈuanano kĩrĩ ũthathayia bwetũ
Nĩatĩa tũkumenya atĩ Mũrungu atĩendaga tũtumĩra mĩngˈuanano kĩrĩ ũthathayia bwetũ? Tega VIDIO, rĩu bwarĩĩrie kĩũria kĩrĩa kĩthingatĩte.
-
Nĩatĩa gwakarĩkĩre karaaja kĩrĩ antũ bamwe ba Mũrungu rĩrĩa baagererie kũmũthaathayia bagĩtumagĩra mĩngˈuanano?
Antũ bamwe nĩ bageragia gũtumĩra mĩngˈuanano kĩrĩ ũthathayia bwao, nĩkenda baigua teka barĩ akuĩ na Mũrungu. Ĩndĩ-rĩ, kũthithia ũu no gũtũme Mũrungu akaregana na ũthathayia bwao? Thooma Kuuma 20:4-6 na Zaburi 106:35, 36, rĩu bwarĩĩrie biũria bibi:
-
Nĩ mĩngˈuanano ĩrĩkũ kana into birĩkũ wonete antũ bagĩtumĩra kĩrĩ ũthathayia bwao?
-
Nĩatĩa Jehova aigagua bwegie ũtumĩri bwa mĩngˈuanano?
-
Nĩatĩa gwe wigagua bwegie ũtumĩri bwa mĩngˈuanano?
5. Kũthathayia Jehova wenka gũgatũkũũra ũkombone bwa ũthathayia bwa ũrongo
Ona ũrĩa kũthathayia Jehova na njĩra ya mma kũũmba gũtũkũũra kuuma kĩrĩ moritani ja ũrongo. Tega VIDIO.
Thooma Zaburi 91:14, rĩu bwarĩĩrie kĩũria gĩkĩ:
-
Nĩatĩa Jehova eranĩte agatũthithĩria rĩrĩa twonania nĩ tũmwendete na njĩra ya kũmũthathayia wenka akĩ?
6. Nĩtũthathayia Mũrungu mĩcemanione ya kĩuthũrano
Nĩtũkumagia Jehova na gwaka bangĩ rĩrĩa tũkwina na gũcookia biũria mĩcemanione ya kĩũthũrano. Thooma Zaburi 22:22, rĩu bwarĩĩrie biũria bibi:
-
Ũragwĩrĩrua kwigua bangĩ bagĩgwaka na biugo na macookio jaao mĩcemanione?
-
Wenda kwithuranĩra kinya gwe nĩkenda waaka bangĩ na biugo biaku?
7. Jehova nagwĩragua rĩrĩa twera bangĩ jarĩa tũkwiritana
Kũrĩ na njĩra inyingĩ irĩa tũũmba gũtumĩra kwĩra bangĩ mma cia Bibiria. Thooma Zaburi 9:1 na 34:1, rĩu bwarĩĩrie kĩũria gĩkĩ:
-
Nĩ ũntũ bũrĩkũ wiriteene Bibiriene bũrĩa ũrĩngĩenda kwĩra muntũ ũngĩ?
ANTŨ BAMWE BAUGAGA: “Bũtĩũmbĩka kũgwĩria Mũrungu.”
-
Ũrĩona atĩa?
NA NJĨRA ĨNKUĨ
Nĩtũgwĩragia Mũũmbi weetu rĩrĩa twamũkumia mĩcemanione ya kĩuthũrano, twera bangĩ jarĩa twiritene na twamũthathayia wenka.
Gũcookera
-
Nĩmbi Mũrungu atumagĩra gũtũtethia kũmenya ũrĩa tũũmba kũmũthathayia na njĩra ĩrĩa yagĩrĩte?
-
Nĩkĩ tũbuĩrĩte kũthathayia Jehova wenka?
-
Nĩkĩ tũbuĩrĩte kũthathayia amwe na antũ bangĩ barĩa bakwenda kũgwĩria Mũrungu?
CŨNKŨŨNA
Kĩrĩ rũgono “Nandĩ Ntĩtumĩkagĩra Mĩngˈuanano,” thooma wone nĩkĩ mwekũrũ ũmwe aatiganĩre na ũthathayia bwa mĩngˈuanano.
“Bibiria Nĩgarũraga Ũtũũro” (Mnara wa Mlinzi, Julaĩ 1, 2011)
Iritane nĩmbi biũmba gũgũtethia ũcookia biũria micemanione ya kĩũthurano.
“Kumithia Jehova Kĩũthũranone” (Mnara wa Mlinzi, Januarĩ 2019)
Ona ũrĩa mũtaana ũmwe ũmwĩthĩ aagunĩkĩre arĩgwĩta mĩcemanione ya kĩuthurano, kinya kethĩra bũtarĩ ũntũ bũbũũthũ kĩrĩwe.
Antũ babaingĩ betĩkagia mũtharaba jũrũngamagĩĩra Ũkristũ, ĩndĩ rĩ, nĩtũbuĩrĩte kũjũtumĩra kĩrĩ ũthathayia bwetũ?
“Nĩkĩ Akũũjĩ ba Jehova Batĩtumagĩra Mũtharaba kĩrĩ Ũthathayia Bwao?” (Thooma intanetine)
a Biongo biu bikaarĩĩrua ithomoone birĩa bikathingata.
