BA GIMA!
Saiens Taudia ese Doomsday Clock E Haidaua—Baibul be Dahaka E Gwaumu?
January 24, 2023 ai, saiens taudia ese Doomsday Clock a imana latana na 12 oklok (malo kahana) badibadinai e atoa, anina na tanobada dokona.
“‘Doomsday Clock’ ese e hahedinaraiamu taunimanima na sibodia ediai dika be havaraiamu. Tuesday ai, saiens taudia ese una klok imana na 12 oklok (malo kahana) badinai e atoa, badina hari e varamu ḡaudia heḡereḡere Ukraine tuarina, niuklia tuaridia, bona weda e idaumu dainai e garimu.”—AFP International Text Wire.
“Tuesday ai, saiens taudia ese e hahedinaraia ‘Doomsday Clock’ imana latana na 90 seconds ai e atoa, una na 12 oklok do lasi neganai—anina na tanobada ai dika bada herea be varamu.”—ABC News.
“Tanobada heḡeḡemadai saiens taudia haida na e gwa, taunimanima na sibodia ediai dika bada be havaraiamu, dia guna bamona.”—The Guardian.
Taunimanima edia mauri bona eda tanobada be kahirakahira be oremu, a? Vaira negai be varamu ḡaudia daidiai baita gari, a? Baibul be dahaka e gwaumu?
Vaira negai be dahaka be varamu?
Baibul na e gwaumu, “tanobada na e mia hanaihanaimu” bona taunimanima ese “bae noholaia hanaihanai.” (Kohelete 1:4; Salamo 37:29) Una dainai taunimanima ese tanobada na basie hadikaiamu.
To Baibul ese dokona hari e herevalaia. Heḡereḡere, e gwa “tanobada na baine lao bubuni.”—1 Ioane 2:17.
Baibul ese tanobada dokona e herevalaiamu anina ba diba totona, atikol ladana “Tanobada be Kahirakahira be Oremu, A? Apocalypse anina be dahaka?” ba duahia.
Baibul ese tanobada ai ḡau idauidau be varamu negana e herevalaia dalana ba diba totona, atikol ladana “When Will the World End?” ba duahia.
Lalohadai maorona bavabia
Ena be hari tanobada ai hekwakwanai idauidau e varamu, to Baibul ese baine duruda lalohadai maorona baita abia. Edena dala ai?
Baibul ena sisiba namodia ese iseda dina ta ta maurinai baine durua. (2 Timoteo 3:16, 17) Heḡereḡere, atikol ladana “How to Control Worry” ba duahia, bona ena be eda mauri lalonai hekwakwanai idauidau e varamu, to Baibul ese baine duruda lalohadai maorona baita abia dalana ba itaia.
Baibul ese vaira nega totona helaro namona e henida. (Roma 15:4) Una ese e hahedinaraiamu hari bona vaira nega ai bae vara ḡaudia baita diba, danu be durudamu hari e varamu hekwakwanaidia baita haheaukalai.
Baibul amo diba ma haida bavabi totona, a invaitimumu asi davana Baibul stadi kos ta bavabia diba.
a “Doomsday Clock e disainia dalana ese taunimanima iboudiai e hadibadiamu, e karamu teknoloji ḡaudia idauidau ese kahirakahira eda tanobada be hadikaiamu. Una na laulau herevana. Bema ta uramu ina tanobada ai baita mauri noho, namona na ini hahediba herevadia na baita herevalai.”—Bulletin of the Atomic Scientists.
You May Also Like
ABOUT US
Ta Ba Noia Oi Bae Vadivadimu
Baibul ese e haerelaimu henanadaina ta ba herevalaia, eiava Iehova ena Witnes ediai diba ma haida bavabi.
