Mika 7:1-20
7 Madi ihabaigu!
Lau na huahuana vada e buruki ore aunaeiava vinena vada e gogo ore imeana na heto;asi vine-takona ta mia, lau ese baina ania,asi suke-huahuana ta, egu hitolo ilao-ahuna.
2 Dirava imatauraina tauna vada e mase tanobada ai,asi kara-maoromaoro tauna ta noho, taunimanima bogaragidiai;iboudiai na e banimu, rara ihahebubuna totona,iboudiai ese huo e otomu, tadikakadia iabidia totona.
3 Imadia na e heḡaeḡaemu, kara dika ikarana,vada bae kara balaheni;hanua lohiana bona hahemaoro tauna esehenitao koikoi ḡauna e tahuamu,bona tau badana ese ena heḡahusi ḡaudia e gwauraimu;unu amo kara maoromaoro e moḡeamu.
4 Idia bogaragidiai tau namona na ava ḡiniḡini na heto,bona kara maoromaoro tauna na au ginigini na heto.
Edia gima taudia edia dina, edia dava-abi dinana, vada e gini dae,harihari ihabuadia dinana be kaumu.
5 Dekemu tauna basio abidadama henia,turamu basio abiabiraia;udumu ba naria, dekemu ai e hekuremu hahinena enai;
6 badina be mero ese tamana e dadaraiamu,bona kekeni ese sinana e inai heniamu;rava-maraḡi hahinena ese rava-bada hahinena e daḡedaḡe heniamu,bona ruma taudia korikoridia ese ruma biaguna e inai heniamu.
7 A lau ese Iehova baina haḡerea,ihamaurigu Diravana baina naria;egu Dirava ese baine kamonai henigu.
Iehova ena Hahemauri
8 Inaigu e, lau latagu ai basio moale;baina keto negana ai ma baina tore isi;dibura ai baina helai negana ai,Iehova na egu diari ai bainela.
9 Iehova ena badu henunai baina haheauka,badina be vada na kara dika henia;eIa bona ia ese egu gini-maoro gabuna baine herevalaia,bona hahemaoro baine karaia lau daigu ai.
Ia ese diari ai baine hakaugu lasi,ena hahemauri do baina itaia.
10 Bena inaigu ese baine itaia,bona e hereva henigu, eto“Iehova, emu Dirava, na edeseni ai?”, hahinena nahemarai ese baine ḡovaia ahu.
Matagu ese ena hemarai bae moalelaia;harihari vada bae moimoilaia,ariara kopukopudia na heheto.
11 Emui maḡu ihaginidia dinana!Una dina ai emui tano hetoadia bae bada.
12 Una dina ai taunimanima na dekemui baema,Asuria amo ela bona Aigupto,Aigupto amo ela bona Sinavai Badana,davara amo ela bona davara,ororo amo ela bona ororo.
13 A tanobada na baine vahuinoholaina taudia daidiai,edia kara huahuadia daidiai.
Iehova ena hebogahisi
14 Emu bese taudia na emu itotohi amo ba reḡudia,idia na emu mamoe korikoridia;idia na uda ai e noho hedoamu,biru tanodia bogaragidiai.
Basan ai bona Gilead ai bae heubu,nega gunadia heḡereḡeredia.
15 Aigupto tanona amo o raka lasi dinadia ai heḡereḡerenalau ese hoa ḡaudia baina haheitalaidia.
16 Bese idau-idau ese bae itaia, bena bae hemarai,edia goada idoinai hemaraina bae hemarai;ududia na imadia amo bae tao ahu,taiadia na bae kudima.
17 Ḡahu bae demaria, gaigai na heheto,tano ai e raumu ḡaudia na heheto;edia gabu aukadia amo bae raka lasi,mai heude-heudedia ida;Iehova, eda Dirava, bae haḡerea mai garidia ida,oi daimu ai bae gari.
18 Edena Dirava na oi heḡereḡeremu?
Kara dika e gwau taomu, bona kerere e lalo negemu,dihina kwabukwabudia daidiai.
Ia ese ena badu basine hahesiriua hanaihanai,badina be hebogahisi e moalelaiamu.
19 Ia ese ma baine bogada hisi,ia ese eda kara havara baine moidia tao, ia aena henudiai.
Oi ese emai kara dika iboudiai na davara ena dobu gabudia ai ba negedia.
20 oi ese emu heabidadama na Iakob ba hahedinarai henia,bona emu hebogahisi na Abraham ba haheitalaia,senemai o gwau henidia hamata heḡereḡerena, nega gunadia amo.
