Betele taudia na dipatmen idau-idau ai e ḡaukaramu, bona tano ta eiava ma haida ai haroro ḡaukara e duruamu. Edia ḡaukara haida bini: Emai pablikeisen na emai gado ai e hahanaimu, magasin e printamu, buka e karamu, buka e haboumu gabudia e narimu, drama e rekodimu, vidio e karamu, bona ḡaukara ma haida.

Brens Komiti ese ḡaukara e nariamu. Heitatao Oreana ese brens ofesi ena ḡaukara na Brens Komiti (elda toi eiava haida) henunai e atoa. Una komiti ese edia tano ai e karamu ḡaukaradia bona e varamu hekwakwanaidia na Heitatao Oreana e hadibaiamu. Unu amo Heitatao Oreana e dibamu, ededia heduru herevadia be emai pablikeisen, bona hebou maraḡidia bona badadiai baine halasi. Nega momo Heitatao Oreana ese gwaukau tauna e siaiamu brens baine vadivadia, bona Brens Komiti baine durua, ena maduna baine huaia namonamo totona. (Hereva Lada-isidia 11:14) Ia e vadivadimu neganai, brens ofesi ese hebou ta e boilaiamu, bena una gwaukau tauna ese tok ta amo iboumai e hagoadamaimu.

Kongrigeisen a durudiamu. Brens ofesi ese kongrigeisen matamatadia ihaginidia ena gwaumaoro e henimu. Danu, painia taudia, misinari taudia, bona seket taudia, edia ḡaukara e nariamu. Ma danu, hebou badadia e heḡaeḡaelaimu, Kingdom Hall matamatadia ihaginidia ḡaukaradia e narimu, bona kongrigeisen edia pablikeisen e siaimu. Brens ofesi ai e karamu ḡaukaradia iboudiai na haroro ḡaukara e duruamu.—1 Korinto 14:33,40.

• Brens Komiti ese Heitatao Oreana be ede e durua tomamu?

• Brens ofesi ai be dahaka a karamu?