LESEN 02
Baibul ai Helaro Baita Davaria
Tanobada idoinai, taunimanima na hekwakwanai momo e davarimu daidiai, e dara-dokomu, e lalo-hekwarahimu momomu, bona e hisihisimu. Nega ta ai, hekwakwanai ta dainai unu o hemami toma, a? Eiava reana o lalohisihisimu badina mai emu gorere, eiava o nariamu tauna na gorere, eiava o lalokau heniamu tauna ta e mase. Reana sibomu bo henanadaimu, ‘Nega ta mauri be namomu, eiava?’ Baibul ese una henanadai na e haerelaia namo herea.
1. Edena dala ai Baibul ai helaro baita davaria?
Tanobada ai hekwakwanai momo e varamu badidia na Baibul ese e herevalai ḡoevaḡoeva. To danu, Baibul na sivarai namona ta e gwauraia, etomu, ini hekwakwanai iboudiai na kahirakahira be oremu. Baibul ena gwauhamata herevadia ese “nega vaira ḡaudia bona helaro ḡaudia” na e gwaurai. (Mani Ieremia 29:11, 12 aita duahidia.) Unu gwauhamata ese be durudamu hekwakwanai idauidau baita haheaukalaimu, bena baita moalemu hari ela bona hanaihanai.
2. Baibul na e gwa vaira negana ai be dahaka be varamu?
Baibul na e gwa, vaira negana ai “mase bona dara-doko bona taitai bona hisihisi bae ore.” (Mani Apokalupo 21:4 aita duahia.) Ena be hari ina negai hekwakwanai idauidau—heḡereḡere, hitolo, heiriheiri (injustice), gorere, bona mase—daidiai taunimanima se moalemu, to unu na be oremu. Baibul e gwaumu, tanobada Paradaisona ai, taunimanima ese mauri na bae moalelaia hanaihanai.
3. Edena dala ai ba hahedinaraia diba oi ese o abia daemu, Baibul ena gwauhamata herevadia na be momokanimu?
Taunimanima na gwauhamata momo be gwauraimu, to ta daradaramu unu be haḡuḡurumu o lasi. To Dirava be ede bamona? Ia ese Baibul ai e gwaurai gwauhamatadia be haḡuḡurumu eiava? Namona na Baibul ai “baita hetahu” eiava baita stadilaia namonamo, unu ese be durudamu bena baita abia daemu Baibul ena gwauhamata herevadia na be momokanimu. (Aposetolo Edia Kara 17:11) Una dainai, Baibul o stadilaiamu neganai, sibomu ba henanadai: “Lau ese na abia daemu, vaira negana ai, Baibul ena gwauhamata herevadia be momokanimu, eiava?’
POIN MA HAIDA
Baibul ena gwauhamata herevadia—vaira negana ai be varamu ḡaudia—mani aita stadilai. Bona helaro ese taunimanima e durudiamu dalana mani aita itaia.
4. Baibul ese mauri hanaihanai helarona bona ḡau namodia momo e gwauhamatalai
Baibul lalonai gwauhamata herevadia na momo, bona henu ai lista mani a itaia. Ededia gwauhamata herevadia be oi ese o ura henimu? Bona dahaka dainai unu o haere tomamu?
Mani unu gwauhamata herevadia badidia ai e hetore Baibul siri aita duahidia, bena ini henanadai ba haerelaidia:
-
Baibul ena gwauhamata herevadia ome duahi neganai, emu hemami be ede bamona? O laloamu emu ruma taudia o turamu ese ini gwauhamata herevadia bae dibadia be namo, a?
Mani a laloa, tanobada ai
|
TAUNIMANIMA TA NA . . . |
TAUNIMANIMA IBOUDIAI NA . . . |
|---|---|
|
|
|
|
|
|
|
|
|
|
5. Baibul ena gwauhamata herevadia ese taunimanima na be durudiamu
Taunimanima momo na hekwakwanai daidiai e lalo-metaumu eiava e badumu. Haida na e uramu ḡau haida bae haidau to asie heḡereḡeremu. Baibul ena gwauhamata herevadia ese taunimanima e durudiamu dalana mani aita itaia. Mani VIDIO aita itaia, bena ini henanadai ba haerelaidia.
-
Vidio ai, Rafika be edena heiriheiri karana dainai se moaleva?
-
Ena be heiriheiri karana na se ore to Baibul ese Rafika be ede e durua toma?
Baibul ena gwauhamata herevadia daidiai, herevana hekwakwanai ta davarimu, to basita lalo-metaumu bona baita moalemu. Mani Hereva Lada-Isidia 17:22 bona Roma 12:12 aita duahidia, bena ina henanadai ba haerelaia:
-
Unu gwauhamata herevadia daidiai hari o moalemu? Dahaka dainai unu o haere tomamu?
TAUNIMANIMA HAIDA NA E GWAUMU: “Vaira negana ai Baibul ena gwauhamata herevadia be momokanimu eiava lasi na mai daradarana.”
-
Dahaka dainai o laloamu Baibul ena gwauhamata herevadia oi sibomu ese ba stadilaidia namonamo na ḡau badana?
POIN BADADIA
Baibul ese e hahedinaraiamu, vaira negana ai baita moalemu. Una dainai, ita na mai eda helaro, bona hari eda mauri na ta moalelaiamu.
Riviu
-
Dahaka dainai taunimanima ese helaro namona bae diba na namo?
-
Baibul na e gwaumu vaira negana ai dahaka ḡau namodia be varamu?
-
Helaro namona ome diba karana ese oi be ede eme durumu toma?
HEDURU ḠAUDIA MA HAIDA
Helaro ese baine hagoadamu daladia ma haida ba dibadia.
“Helaro be Ede Kahai Bo Davariamu?” (Noga!, April 22, 2004)
Baibul na e gwa, vaira negana ai ḡau namodia na be varamu, bona una helaro ese gorere taudia baine durudia daladia haida mani ba ita.
“Taunimanima Haida Edia Gorere Na Se Oremu—Baibul ese Baine Durudia Diba, A?” (Web atikol)
Baibul na e gwa, vaira negana ai, tanobada idoinai na Paradaiso ai be laomu. Una dainai, ina miusik vidio o itaiamu neganai, mani ba piksaia, Paradaiso ai, oi bona emu ruma bese na mauri namona o moalelaiamu.
Baibul ena gwauhamata herevadia ese tau ta (social activist) ena mauri e haidaua dalana ba duahia.
“Hari Name Diba Tanobada Na Basina Haidaua Diba” (Gima Kohorona, July 1, 2013)
