Iakob na aneru ta ida e heatu badina e ura baine abia ḡau bada hereana binai: Iehova ena hahenamo. (Ge 32:24-31; NWT; Ho 12:3, 4) Ita be ede heto? Ita be ta uramu baita hekwarahi Iehova baita badinaia bona Iena hahenamo baita abia, a? Heḡereḡere, ita ta uramu kongrigeisin hebouna baitala eiava ta uramu moni ḡaukara ai baita ovataim​—edena baita abia hidi be namo? Iseda goada, nega, bona kohu na Iehova ta heniamu negadiai, ia ese ‘hahenamo na latada ai e seia dobimu ela bona e hepurai dobimu.” (Mal 3:10) Ia ese ita baine hakauda, baine gimada, bona iseda dabu ḡaudia baine heni diba.​—Mt 6:33; Heb 13:5.

VIDIO LADANA, LAUMA ḠAUDIA BA LALO BADA BA ITAIA, UNA MURINAI INI HENANADAI BA HAERELAIDIA:

• Edena dala ai taihu ta na e ura heniava ḡauna ese e tohoa?

• Edena dala ai iseda moni ḡaukara ese baine tohoda diba?

• Ena be Timoteo na vada lo Kristen tauna, to dahaka dainai mai anina bada ḡaudia baine tahu hanaihanai na namo?​—1Ti 4:16

• Iseda “ḡaukara hereadaena” be dahaka?