Iakob dibana Iehova na se uramu idau dirava ta baita toma henia diho, ena be Iakob ena negai kaivakuku basie tomadiho henia taravatuna ta na do lasi. (Eso 20:3-5) Una dainai, Iehova ese Iakob e hamaoroa Betele baine lou lao neganai, Iakob ese taunimanima iboudiai e hadibadia edia kaivakuku iboudiai na bae negedia. Bena Iakob ese kaivakuku bona earrings​—reana henari ḡaudia​—iboudiai e abidia, e guridia. (Ge 35:1-4) Dibada, Iehova ese Iakob ena kara na e moalelaia.

Iseda negai, edena dala ai Iehova sibona mo baita tomadiho henia? Ḡau badana ta na, kaivakuku itomadiho henidia karadia o spiritism karadia idauidau baita dadarai vaitani. Anina na meamea o babalau karadia iboudiai baita negedia vaitani bona iseda entertainment baita sekedia namonamo. Heḡereḡere, oi sibomu ba henanadai: ‘Lau ese na duahimu bukadia eiava na itamu muvidia lalodiai taunimanima be rara e inumu, o taunimanima be masedia ai e rakamu, eiava taunimanima be lauma dikadia ai e laomu, a? Lau ese magic, o meamea, o babalau sivaraidia bona muvidia na moalelaimu, a?’ Namona na Iehova ese e inai henidiamu ḡaudia iboudiai amo baita gini siri vaitani.​—Sa 97:10.

VIDIO LADANA “DIABOLO BA GINIA AHU” BA ITAIA, UNA MURINAI INI HENANADAI BA HAERELAIDIA:

• Baibul stiuden ta ladana, Palesa, ena mauri lalonai be dahaka hekwakwanai e vara?

• Dahaka dainai elda taudia ediai heduru ba tahu na aonega karana bema oi, eiava oi mai dibamu tauna ta, eiava oi ese o stadi heniamu tauna ta na demoni ese e ura henimu karadia ta e karaiamu?

• Bema ta uramu Iehova ese baine gimada, dahaka ḡau baita nege be namo?

• Palesa be dahaka aonega karana e badinaia?

• Emu gabu ai, edena dala haida amo ba hahedinaraia oi ese demoni na o dadaraidiamu?