Iehova ese Israel taudia e haridia namonamo heḡereḡerena, hari ina negai ia ese ena taunimanima danu e durudiamu ena ura bae karaia totona. Tanobada heḡeḡemadai, brens ofes, seket, kongrigeisin, bona haroro grup iboudiai na e gaukara heboumu sivarai namona e harorolaiamu. Taunimanima iboudiai, idau gado taudia, danu ta haroro henidiamu.​—Apok 14:6, 7.

Oi o uramu gado ma ta ba dibaia, unu amo ma haida ba haroro henidia, a? Ena be oi na asi emu nega gado ta ba dibaia totona, to JW Language app amo haroro hereva kwadogidia haida ba dibadia. Bena haroro ḡaukara o karaiamu neganai, oi na bo moalemu aposetolo taudia e moale hegeregerena. Idau taudia ese “Dirava ena hoa ḡaudia” edia sivarai na edia gado korikori ai e kamonai neganai e hoa dikadika.​—Apos 2:7-11.

VIDIO LADANA IEHOVA TURANAI BAOLA​—IDAU GADO AI BA HARORO BA ITAIA, UNA MURINAI INI HENANADAI BA HAERELAIDIA:

• Ededia negai JW Language app ba ḡaukaralaia diba?

• JW Language app ena kaha haida be dahaka?

• Emu teritori ai e nohomu taudia be ededia gado ai e herevamu?

• Bema tau ta na e uramu Basileia sivaraina na ena gado ai baine kamonaia, dahaka ba karaia be namo?​—od-E rau 100-101 par. 39-41