Ina hereva “tura” anina na, “o dibaia namonamo bona o ura heniamu tauna ta.” Heḡereḡere, David ese Goliata e alaia murinai, Ionatan bona David edia hetura karana na e goada herea. (1Sa 18:1) Ta ta ediai kara namodia e hahedinarai. Una dainai, ta ida eda hetura karana baine goada totona, ia baita dibaia namonamo. Ita na nega bada bona goada baita heni ta baita dibaia namonamo. To, social network ai, taunimanima iboudiai “ihetura” henidia na haraḡa. Badina be idia na be palani gunamu social network ai be dahaka bae tore bona taunimanima ese idia e lalodiamu dalana na basie laloa badamu, edia kara korikori na basie hahedinaraimu. Una dainai, social network ai turamu o abidia hidimu neganai, ba henahua toho. Oi asi dibamu taudia edia friend request idadaraina totona basio gari, ena be una ese idia edia hemami na be hadikaiamu. Bae vara diba dika daidiai, haida na asie uramu social network bae ḡaukaralaia. To, bema oi na social network bo ḡaukaralaiamu, dahaka ba laloatao na namo?

VIDIO LADANA INTANET BA ḠAUKARALAIA NAMONAMO BA ITAIA, BENA INI HENANADAI BA HAERELAIDIA:

• Social network ai ba tore herevadia bona bavato laulaudia do so ato neganai, dahaka ba laloa guna be ḡau badana?

• Dahaka dainai intanet ai turamu bavabidia hidi namonamo?

• Dahaka dainai social network iḡaukaralainai oi sibomu ese o abia hidi negana na ba badinaia?​—Efe 5:15, 16