Enn Zoli Zardin
Zistwar 2
Enn Zoli Zardin
GET kouma later ete dan sa zimaz-la! Li bien zoli, pa vre? Get lerb, bann pie, bann fler, ek tou sa bann zanimo-la. Eski to trouv lelefan ek bann lion lor sa zimaz-la?
Me, kouma sa zoli zardin-la inn aparet? Anou gete kouma Bondie ti prepar later pou nou kapav res lor la.
Dabor, Bondie ti fer lerb pouse partou lor later. Apre sa, Li ti fer tou sort kalite plant, ek bann pie. Tousala pa zis fer later paret zoli, me zot donn nou osi bann frwi ek bann legim ki bien bon.
Apre sa, Bondie ti fer bann pwason ek bann zwazo. Li ti fer osi bann lisien, sat, seval; bann gro ek bann tipti zanimo. Ki zanimo ena dan to landrwa? Eski nou pa kontan ki Bondie finn fer tou sa bann kitsoz-la pou nou?
An dernie, Bondie ti swazir enn landrwa lor later ek Li ti prepar sa dan enn fason bien spesial. Li ti apel sa landrwa-la, zardin Éden. Sa zardin-la ti extra zoli, pa ti mank nanye ladan. Bondie ti anvi ki later antie vinn parey kouma sa zoli zardin ki Li ti fer la.
Me reget sa zimaz-la. Dapre twa, ki Bondie ti trouve manke dan sa zardin-la? Anou gete.
