Le 5 Septembre 2012, enn Mercredi gramatin, ti annonce la famille Béthel en Amérique ek Canada, ki ena enn nouveau membre dan College Central bann Témoins de Jéhovah. A partir 1^er Septembre 2012, Mark Sanderson ti commence assume sa responsabilité-la.

Frere Sanderson ti elevé par bann parent chretien dan San Diego, Californie, en Amérique ek li ti prend bapteme le 9 Février 1975. Li ti commence service pionnier dan Saskatchewan, Canada, le 1^er Septembre 1983. En Décembre 1990, li ti suive septieme classe Lekol Formation Ministeriel (asterla appel sa Lekol Biblik pou bann Frere Celibataire), en Amérique. Frere Sanderson ti nommé pionnier special en Avril 1991 ek li ti al servi lor l’île Terre-Neuve, dan Canada. Apré ki li ti servi en tant ki remplacant surveillant circonscription, en Février 1997 li ti gagne l’invitation pou forme partie dan famille Béthel, dan Canada. En Novembre 2000, li ti al servi dan filiale en Amérique kot li ti travail dan Service Information Hospitalier ek plitar dan Bureau Service.

En Septembre 2008, frere Sanderson ti assisté Lekol pou Bann Membre Comité Filiale ek apré, li ti nommé couma membre dan Comité Filiale Philippines. En Septembre 2010, ti demann li pou retourne dan filiale en Amérique, kot li ti servi couma enn assistant dan Comité Service College Central.