Le 24 Me 2022, enn kitsoz bien grav ek tris ti arive dan Uvalde, ki enn ti lavil dan Texas, Letazini. Dapre The New York Times, “enn misie inn tir kout bal ek inn touy 19 zanfan ek de profeser . . . dan Lekol Primer Robb.”

 Malerezman, bann kitsoz grav koumsa arive bien souvan. Rapor USA Today montre ki zis dan Letazini, “249 fwa finn ena bann fiziyad dan bann lekol lane dernie, ek zame pa finn ariv sa depi 1970.”

 Kifer bann kitsoz kriel koumsa arive? Kouma nou kapav fer fas ar bann sitiasion difisil koumsa? Eski ena enn lespwar ki enn zour laviolans pou nepli existe? Labib reponn sa bann kestion-la.

•   Labib dekrir nou lepok kouma “bann dernie zour” kot boukou dimounn “pa pou ena okenn lafeksion natirel” ek “pa pou ena okenn pitie,” setadir zot pou fer bann kitsoz bien kriel ek bien violan. Avek letan, sa bann dimounn-la “pou vinn pli pir.” (2 Timote 3:1-5, 13) Pou konn plis lor la, lir lartik « La Bible a-t-elle prédit la mentalité et la conduite des gens de notre époque? »

 Boukou dimounn demann zotmem, ‘Kifer Bondie pa anpes bann move kitsoz arive, kouma par exanp, bann fiziyad dan lekol?’ Pou kone ki Labib dir lor la, lir lartik « Pourquoi les innocents souffrent-ils? »

•   “Touseki ti ekrir dan Lekritir lontan ti ekrir pou nou linstriksion, pouki nou gagn . . . rekonfor ki li donn nou.”​—Romin 15:4, NTKM.

 Bann prinsip Labib kapav ed ou pou fer fas ar sa lemond ki violan la. Get magazinn Leve! ki ena tit « La violence cessera-t-elle un jour? » pou gagn plis linformasion.

 Pou gagn bann konsey kouma bann paran kapav ed zot bann zanfan pou fer fas ar bann nouvel ki zot trouve ek ki kapav afekte zot, lir lartik « Enfants et actualités troublantes. »

•   “Li pou delivre zot ar bann ki pe fer dominer ar zot ek li pou tir zot dan violans.”​—Psom 72:14.

•   “Zot pou bizin fer zot bann lepe vinn bann zouti pou travay later, ek zot pou fer zot bann lans vinn bann sizay. Enn nasion pa pou lev lepe kont enn lot nasion, ek zot nepli pou aprann lager.”​—Mishe 4:3.

 Bondie pou fer seki bann dimounn pa kapav fer. So Rwayom, setadir so gouvernman ki dan lesiel, pou detrir tou bann zarm ek pou nepli ena laviolans. Pou konn plis lor seki Rwayom Bondie pou fer biento, lir lartik “Kan Rwayom Bondie Pou Dirize, ‘Pou Ena Lape an Abondans.’”