Ɛf bo cenŋ waaɔg g mua tiig luann. L puol po k u tug g tie Adam k u mɔ mua.

Ban bo tien yal bo g ŋan, l bo tie biid i. Yendu bo bel g nyan’m Edɛnn gɔglug n ninŋ.

Binbem bo paag b po yen b bid po. B bo ciɛnd ciɛnd i g tan kpe. B bo g nɔd g gad tinkpiiug n ninŋ kaa, b biɛ bo g duo polu po kaa. B binbem n bo sed.

T kpenn g dugn t tie Adam yen Ɛf bid i. Kpienm kan fid g tod’ti, b kan fid g cenŋ’ti, b biɛ g nyuan’ti, l tie nyan b guand nyan i.—San 11:11-14.

Jeofa bo g bua niib n gii kpenn kaa. L ji kan wai yen wan yied kpienm. L gii sua k b cenŋ’o, b ji kan ban g kpe.