15 NOVAMBRA 2022 | VAOVAO FARANY: 17 NOVAMBRA 2022
ROSIA

VAOVAO FARANY: ASAINA MANDOA LAMANDY | Nampahery Azy ny Modelin’ireo Mpiara-manompo Hafa Enjehina

HANDEFA

Namoaka didy manameloka an’ny Rahalahy Igor Gusev ny Fitsaram-paritr’i Zheleznodorozhny any Krasnoïarsk, tamin’ny 17 Novambra 2022. Voasazy handoa lamandy 600 000 rouble (43 tapitrisa ariary eo ho eo) izy.

Zava-nitranga

21 Mey 2020

Tamin’ilay raharaha mahakasika ny Rahalahy Vitaliy Sukhov no voalohany niresahany tamin’ny manam-pahefana
17 Febroary 2022

Nampangaina ho mpanao heloka bevava i Igor satria hoe nandamina ny zavatra ataon’ny fikambanana iray raran’ny fanjakana
23 Aogositra 2022

Nanomboka ny fitsarana azy

Ilay voampanga

Igor Gusev

Teraka: 1964 (Krasnoïarsk, Faritanin’i Krasnoïarsk)

Mombamomba azy: Mpanao trano no asany

Tamin’ny 1993 no nihaonany voalohany tamin’ny Vavolombelon’i Jehovah. Nitsidika azy tany an-tranony ry zareo tamin’izay. Natao batisa tamin’ny 1994

Resadresaka nifanaovana taminy

Nahoana no nampahery anao ny modelin’ny hafa?

Misy mpiara-manompo be dia be tratran’ny fanenjehana atỳ amin’ity faritra ity, dia ny modelin-dry zareo no tena nampahery ahy. Ny Rahalahy Yevgeniy Zinich izao tony tsara foana sady mbola be vazivazy foana. Ny Rahalahy Vitaliy Sukhov indray mbola mafana fo be foana sady vonona hanampy an’ireo olona manodidina azy. Mampahery koa ny mahita an’ireo rahalahy sy anabavy be dia be tonga manotrona eny amin’ny fitsarana, fa tsy matahotra ny manam-pahefana. Tena manatanjaka ahy ny teny mampahery ataon-dry zareo.

Mampahery antsika koa ny modelin’ireo rahalahy sy anabavintsika be herim-po ireo. Ary “rehefa mandinika ny soa entin’ny fitondran-tenany” isika, dia lasa te ‘hanahaka ny finoany.’—Hebreo 13:7.

Mety ho Tianao Koa

VAOVAO

Gadraina Noho ny Finoany: Rosia

Gadraina noho ny finoany ny Vavolombelon’i Jehovah any Rosia. Diniho ny tantaran-dry zareo ary ataovy pirinty ny lisitr’ireo Vavolombelona izay any am-ponja amin’izao.

VAOVAO