Namoaka didy manameloka an’ny Rahalahy Anatoliy Gezik sy Irina vadiny ary ny Rahalahy Viktor Zimovskiy ny Fitsaran’i Georgievskiy, any amin’ny Faritanin’i Stavropol, tamin’ny 14 Novambra 2022. Asa an-terivozona efa-taona sy roa volana no sazin’i Anatoliy. I Irina indray voaheloka higadra efa-taona sy roa volana, saingy sazy mihantona ilay izy ka mbola tsy naiditra am-ponja aloha izy izao. Sazy mihatra enin-taona sy roa volana kosa no azon’i Viktor ary tonga dia naiditra am-ponja izy.

1. 23 Oktobra 2019

   Nisava tranona Vavolombelon’i Jehovah telo tany Georgievsk ny polisy. Nametraka zavatra tao an-tranon-dry zareo ny polisy rehefa nanao an’ilay fisavana, mba hampiasainy hanamelohana an-dry zareo. Notazonin’ny polisy sy nataon-dry zareo fanadihadiana nandritra ny alina i Anatoliy sy Irina ary Viktor, niaraka tamin’ny mpiara-manompo valo hafa

2. 30 Desambra 2019

   Nampangaina hoe mpanao heloka bevava i Anatoliy sy Irina ary Viktor

3. 23 Janoary 2020

   Naverina nampanantsoina i Viktor dia natao fanadihadiana indray. Notazonina tany amin’ny toerana fitanana tsy maharitra izy. Nalefa tany am-ponja vonjimaika izy ny ampitson’iny

4. 23 Martsa 2020

   Navoaka tany am-ponja i Viktor dia nambenana an-trano.

5. 6 Mey 2020

   Tsy nambenana an-trano intsony i Viktor. Tsy navela hiala ny tanàna nisy azy izy

6. 6 Oktobra 2021

   Nesorina ilay fameperana hoe tsy afaka miala ny tanàna misy azy izy

7. 10 Martsa 2022

   Nanomboka ny fitsarana

Matoky isika hoe ho “akaiky an’izay rehetra miantso azy i Jehovah” mandritra ny fotoana hiaretan-dry zareo, satria miezaka ny ho faly sy be fanantenana ry zareo.​—Salamo 145:18.