21 FEBROARY 2024 | VAOVAO FARANY: 25 MARTSA 2024
ROSIA

VAOVAO FARANY: VOAHELOKA ILAY ANABAVY | Soa Ihany Aho fa Manana Anadahy sy Rahavavy Be dia Be

HANDEFA

Nomelohin’ny Fitsaram-paritr’i Tolyatti ny Ranabavy Yelena Yurenkova, tamin’ny 22 Martsa 2024, ary nahazo sazy mihantona roa taona. Tsy mbola naiditra am-ponja aloha izy izao.

Ilay voampanga

Yelena Yurenkova

Teraka: 1970 (tany Tolyatti, Faritr’i Samara)

Mombamomba azy: Lasa saina hoe inona no antony namoronana ny olombelona, nefa tsy nahita valiny tany amin’ny boky momba ny filozofia sy ny boky hafa. Lasa resy lahatra hoe ny zavatra ampianarin’ny Baiboly no marina, rehefa avy nianatra Baiboly tamin’ny Vavolombelon’i Jehovah. Natao batisa tamin’ny 1999

Nanambady an’i Yuriy tamin’ny 2000. Roa vavy ny zanaky ry zareo

Resadresaka nifanaovana taminy

Tena sarobidy aminao ve ny mpiara-manompo aminao? Mba azonao hazavaina ve?

Nisy mpisolovava notendren’ny fitsarana hoe hiaro ahy. Tsy azony mihitsy tamin’izahay niresaka voalohany hoe fa maninona aho no mbola te hiara-mivory amin’ny mpiara-mivavaka amiko ihany, nefa efa fantatra hoe ho voaheloka hoe mpanao heloka bevava izay manao an’izany. Maninona, hono, raha mamaky Baiboly irery sy mivavaka irery fotsiny. Dia nanontaniako izy raha tia mandehandeha any anaty ala na tsia. Hay ny tranony any anaty ala, sady izy koa, hono, tia toerana milamindamina hoatr’ireny. Nohazavaiko taminy hoe hoatran’ny ao anaty ala ngezabe sady mahafinaritra be aho rehefa miaraka amin’ny mpiara-mivavaka amiko. Noresahiko koa hoe ny hazo tokana tsy mba ala. Tsy voaro ny hazo rehefa tsy misy hazo hafa manodidina azy. Isika anefa tsy hoatran’ny hazo tokana fa hoatran’ny hazo any an’ala, dia mifanohana sy mifanampy foana.

Tena mankasitraka an’i Jehovah isika, satria tia sy mikarakara an’i Yelena sy izay rehetra miaritra fanenjehana izy. Miezaka ‘miray hina manompo azy’ mantsy isika rehetra.—Zefania 3:9.

Zava-nitranga

15 Mey 2023

Nampangaina hoe nanao heloka bevava
16 Mey 2023

Nosavana ny tranony. Nalainy am-bavany izy dia tsy navela nanao dia lavitra
5 Jona 2023

Voaheloka hoe nanao heloka bevava
23 Aogositra 2023

Nanomboka notsaraina

Jereo Koa

VAOVAO

Gadraina Noho ny Finoany: Rosia

Gadraina noho ny finoany ny Vavolombelon’i Jehovah any Rosia. Diniho ny tantaran-dry zareo ary ataovy pirinty ny lisitr’ireo Vavolombelona izay any am-ponja amin’izao.

VAOVAO