18 SEPTAMBRA 2023
ROSIA

Voaheloka Higadra Efa-taona any Rosia ny Rahalahy Vladimir Balabkin, Izay 71 Taona

HANDEFA

Nomelohin’ny Fitsaram-paritr’i Belogorsk, any amin’ny Faritr’i Amour, higadra efa-taona ny Rahalahy Vladimir Balabkin, tamin’ny 13 Septambra 2023. Tonga dia nampidirina am-ponja izy vao vita ny fitsarana.

Ilay voampanga

Vladimir Balabkin

Teraka: 1952 (tany Belogorsk)

Mombamomba azy: Teknisianina momba ny fifandraisan-davitra ampiasaina amin’ny fiarandalamby. Efa misotro ronono amin’izao

Nanambady an’i Tatyana tamin’ny 1972. Manan-janaka roa lahy

I Tatyana no nianatra Baiboly voalohany dia natao batisa tamin’ny 1994. Liana koa i Vladimir rehefa nahafantatra momba ny anaran’i Jehovah. Natao batisa izy tamin’ny 1995 ka lasa Vavolombelon’i Jehovah

Resadresaka nifanaovana taminy a

Inona no nianaranao avy amin’izao zava-tsarotra iainanao izao? b

Ny zavatra lehibe indrindra nianarako dia hoe mila miantehitra be amin’i Jehovah sy ny fandaminany fa tsy matoky tena be na mieritreritra hoe efa nahita fiainana. Resy lahatra aho hoe mahasoa foana ny torohevitra avy amin’i Jehovah, ary azoko ampiharina foana amin’izay mitranga amiko na inona na inona. Vao mainka tsapako koa hoe tena misy vokany be ny vavaka. Tena tsy tony mihitsy, ohatra, aho isaky ny hatao famotorana na hotsaraina. Fa rehefa mivavaka aho dia lasa tony foana avy eo. Nanampy ahy izany mba hanatsara ny vavaka ataoko. Ataoko voafaritra tsara izay tiako hangatahana, na ho an’ahy na ho an’ny hafa.

Tena mankasitraka ny modely omen’i Vladimir isika noho izy tsy mivadika fa miantehitra amin’Andriamanitra foana. Matoky koa isika hoe homen’i Jehovah herim-po sy fiadanan-tsaina foana izy.—Salamo 29:11.

Zava-nitranga

2 Martsa 2021

Nanomboka ny famotorana
4 Martsa 2021

Nosavana ny tranony
18 Mey 2023

Nanomboka ny fitsarana
13 Septambra 2023

Voaheloka higadra efa-taona

a b Talohan’izy nogadraina no nakana an’ireo fanazavana ireo.

Jereo Koa

VAOVAO

Gadraina Noho ny Finoany: Rosia

Gadraina noho ny finoany ny Vavolombelon’i Jehovah any Rosia. Diniho ny tantaran-dry zareo ary ataovy pirinty ny lisitr’ireo Vavolombelona izay any am-ponja amin’izao.

VAOVAO