Nisy oram-baratra nivatravatra tany amin’ny faritra avaratr’i Rwanda, tamin’ny 26 sy 29 Oktobra 2019 ka Vavolombelon’i Jehovah maro no lasa tra-boina. Mampalahelo fa lasan’ny rano ny ankizivavikely iray 13 taona, zanaky ny mpivady Vavolombelon’i Jehovah any Musanze, ary maty.

Rava ny trano iray nipetrahan’ny fianakaviana Vavolombelona any Ngororero, ary simba ny fambolen’ny fianakaviana sivy. Mikarakara ny fanampiana an’ireo tra-boina any amin’ny faritra tratran’ny loza ny biraon’ny sampan’i Rwanda, anisan’izany ny fanomezana an’izay ilain’izy ireo sy ny fampaherezana azy amin’ny alalan’ny Baiboly.

Mivavaka isika mba hampaherezin’i Jehovah ny fon’ny mpiara-manompo amintsika mijaly vokatr’iny loza iny.—2 Tesalonianina 2:16, 17.