Hain’i Jesosy tsara izany hoe mijaly noho ny heloka bevava sy ny tsy rariny izany. Nendrikendrehina izy, nokapohina nefa tsy nandika lalàna akory, notsaraina sy nomelohina tsy ara-drariny, ary nampijalijalina sy novonoina. Na dia tsy nanan-tsiny aza izy dia tsy tia tena, fa nanome an-tsitrapo “ny ainy ho vidim-panavotana ho takalon’ny olona maro.” (Matio 20:28; Jaona 15:13) Efa Mpanjakan’ny Fanjakan’Andriamanitra izy izao. Dia inona no hataony? Kely sisa izy dia hampanjaka ny rariny eran-tany, dia tsy hisy intsony ny heloka bevava.​—Isaia 42:3.

 Hanao ahoana ny fiainana rehefa tanterahin’i Jesosy izany? Izao no lazain’ny Baiboly:

•   “Tsy hisy intsony ny ratsy fanahy; hijery an’izay nisy azy ianao, nefa tsy ho eo intsony izy. Fa ny mpandefitra kosa no handova ny tany, ka ho faly be mihitsy satria tena hiadana.”​—Salamo 37:10, 11.

 Ahoana no ampisehoantsika hoe ankasitrahantsika izay efa nataon’i Jesosy sy izay mbola hataony ho antsika? Nasain’i Jesosy hahatsiaro ny nahafatesany ny mpanara-dia azy, ao amin’ny Lioka 22:19. Izany no mahatonga ny Vavolombelon’i Jehovah hiara-mivory isan-taona, rehefa mitsingerina ny andro nahafatesan’i Jesosy. Manasa anao izahay mba hiara-mankalaza aminay ny Fahatsiarovana ny nahafatesan’i Jesosy, amin’ny alahady 24 Martsa 2024.

Hikaroka Fahatsiarovana