Joba 26:1-14
26 Namaly i Joba hoe:
2 “Hoatr’izany ve no mba anampianao ny tsy manan-kery?
Hoatr’izany ve no mba amonjenao ny sandrin’ny lany hery?+
3 Torohevitra mipoapoaka tokoa no nomenao ho an’ny tsy manam-pahendrena!+
Tsy nihafihafy mihitsy ianao nampideradera ny fahendrenao!*
4 Fa iza no tianao hiresahana e,Ary iza no nampirisika anao hiteny hoatr’izany?*
5 Tora-kovitra ny maty tsy mahavita na inona na inona;Mbola ambany noho ny rano sy ny zavaboary monina ao izy ireo.
6 Mihanjahanja eo anatrehan’Andriamanitra* ny Fasana,*+Ary tsy misarona ny toerana mahalò ny nofo.*
7 Velariny eo amin’ny babangoana ny lanitra avaratra,*+Ary ahantony eo amin’ny tsy misy ny tany.
8 Fonosiny ao anaty rahony ny rano,+Mba tsy ho triatra ny rahona noho ny havesaran’ny rano;
9 Takonany mba tsy ho hita ny seza fiandrianany,Ka velariny hanarona an’izany ny rahony.+
10 Asiany faritra ny faravodilanitra* eny ambony rano;+Asiany fefy manasaraka ny mazava sy ny maizina.
11 Mihozongozona ny andrin’ny lanitra;Tsy nahateny izy ireo noho ny fananaran’Andriamanitra.
12 Ataony misamboaravoara ny ranomasina noho ny heriny,+Ary potipotehiny ny biby ngezabe any an-dranomasina*+ noho izy mahira-tsaina.
13 Ataony mampahadio ny lanitra ny fofonainy;*Manatrobaka bibilava sarotra samborina* ny tanany.
14 Vao ampahany kely amin’ny zava-bitany ihany izany;+Vao bitsibitsika ihany no henontsika momba azy!
Koa iza no mahatakatra ny kotroka mafy avy aminy?”+
Fanamarihana
^ Na: “Tena nataonao niharihary be mihitsy hoe mahalala ny tokony hatao ianao!”
^ Abt: “Ary fofonain’iza (fanahin’iza) no mivoaka avy aminao?”
^ Abt: “anatrehany.”
^ Na: “i Abadona.”
^ Abt: “ny avaratra.”
^ Abt: “ny faribolana.”
^ Abt: “i Rahaba.”
^ Na: “ny rivotra.”
^ Na: “mitsoriaka.”
