Salamo 149:1-9
149 Derao i Jah!*
Mihirà hira vaovao+ ho an’i Jehovah;Derao eo anivon’ny fiangonan’ny olona tsy mivadika izy.+
2 Aoka ny Israely hifaly amin’Ilay Be Voninahitra Mpanao azy;+Aoka ny zanakalahin’i Ziona hiravoravo amin’ilay Mpanjakan’izy ireo.
3 Aoka izy ireo hidera ny anarany amin’ny dihy,+Sy hihira fiderana* ho azy, sady hively ampongatapaka no hitendry harpa.+
4 Fa mahafinaritra an’i Jehovah ny vahoakany.+
Ravahany famonjena+ ny mpandefitra.
5 Aoka ireo olona tsy mivadika hifaly noho ny voninahitra azony;Aoka izy ireo hihoby eo am-pandrianany.+
6 Aoka ho eo am-bavany ny hira fiderana an’Andriamanitra,Ary aoka hisy sabatra roa lela eny an-tanany,
7 Mba hamaliana an’ireo firenenaSy hanasaziana ny vahoaka,
8 Mba hamatorana ny mpanjakan’ireny amin’ny rojo,Sy ny olona ambony eo aminy amin’ny gadra vy,
9 Ary mba hampiharana amin’izy ireo ny didim-pitsarana voasoratra.+
Izay rehetra tsy mivadika amin’Andriamanitra no mahazo an’izany voninahitra izany.
Derao i Jah!*
Fanamarihana
^ Na: “Haleloia!” “Jah” no fanafohezana an’ilay anarana hoe Jehovah.
^ Na: “hitendry mozika.”
^ Na: “Haleloia!” “Jah” no fanafohezana an’ilay anarana hoe Jehovah.
