Salamo 21:1-13
Ho an’ny mpitarika. Hiran’i Davida.
21 Jehovah ô, faly ny mpanjaka satria nasehonao fa mahery ianao;+Faly erỳ izy noho ny asa famonjenao!+
2 Nomenao azy izay nirin’ny fony,+Ary tsy nolavinao izay nangatahin’ny molony. (Sela)
3 Notsenainao izy ka nomenao fitahiana be dia be;Nasianao satroboninahitra volamena tena tsara* teo amin’ny lohany.+
4 Ny ho velona no nangatahiny taminao, dia nomenao azy izany;+Nataonao ela velona izy,* eny, velona mandrakizay mandrakizay.
5 Mahazo voninahitra be izy noho ny asa famonjenao.+
Omenao haja amam-boninahitra izy.
6 Ataonao izay hahazoany fitahiana mandrakizay;+Ataonao izay hahatsapany fifaliana eo anatrehanao.*+
7 Fa matoky an’i Jehovah ny mpanjaka;+Tsy hangozohozo* mihitsy izy satria be fitiavana sy tsy mivadika ilay Avo Indrindra.+
8 Ho azon’ny tananao ny fahavalonao rehetra;Ho azon’ny tananao ankavanana ireo mankahala anao.
9 Hataonao toy ny lafaoro mirehitra izy ireny amin’ny fotoana voatondro, rehefa hamely azy ireny ianao.
Tezitra i Jehovah ka haringany* izy ireny, ary ho levon’ny afo.+
10 Haringanao tsy ho etỳ an-tany ny zanany,Ary hofoananao tsy ho eo amin’ny zanak’olombelona ny taranany.
11 Fa nitady hanisy ratsy anao izy ireny;+Manao tetika izy ireny, nefa tsy hahomby izany.+
12 Fa hampandositra azy ireny ianao,+Rehefa mikendry azy* amin’ny tsipìkanao.*
13 Mitsangàna, Jehovah ô, ary asehoy ny tanjakao!
Hihira fiderana* ho anao izahay noho ny herinao.
Fanamarihana
^ Na: “voadio.”
^ Abt: “Nohalavainao ny androny.”
^ Na: “eo anatrehan’ny tarehinao.”
^ Na: “hivembena.”
^ Abt: “hateliny.”
^ Abt: “ny tarehin’izy ireny.”
^ Abt: “tadin-tsipìkanao.”
^ Abt: “Hihira sy hitendry mozika.”
