Salamo 25:1-22
Nataon’i Davida.
[Alefa]
25 Ianao, Jehovah ô, no ianteherako!*
[Beta]
2 Andriamanitro ô, ianao no itokisako;+Aza avela ho menatra aho.+
Aza avela ho faly amin’ny fahavoazako ny fahavaloko.+
ג [Gimela]
3 Azo antoka fa tsy hisy ho menatra izay manantena anao,+Fa ho menatra kosa ireo mamitaka tsy amin’antony.+
ד [Daleta]
4 Ampahafantaro ahy ny lalanao, Jehovah ô!+Ampianaro ahy ny lalanao.+
ה [He]
5 Ataovy izay handehanako amin’ny fahamarinanao ary ampianaro aho,+Fa ianao no Andriamanitra mpamonjy ahy.
ו [Vao]
Ianao no antenaiko tontolo andro.
ז [Zaina]
6 Jehovah ô, tadidio hoe mamindra fo ianao sady be fitiavana sy tsy mivadika,+Ary naneho an’ireo toetra ireo foana ianao hatramin’izay.*+
ח [Heta]
7 Hadinoy ny fahotana vitako tamin’izaho mbola tanora sy ny fandikan-dalàna nataoko.
Tsarovy aho, noho ianao be fitiavana sy tsy mivadika+Sy noho ianao tsara toetra, Jehovah ô!+
ט [Teta]
8 Tsara sy mahitsy i Jehovah.+
Izany no mahatonga azy hanoro ny mpanota ny lalana tokony haleha.+
י [Yôda]
9 Hitarika ny mpandefitra hanao ny marina* izy,+Ary hampianariny ny lalany ny mpandefitra.+
כ [Kafa]
10 Hita amin’izay rehetra ataon’i* Jehovah fa be fitiavana izy sady tsy mivadikaAmin’ireo manaja ny fifanekena+ nataony sy manaraka ny fampahatsiahivany.+
ל [Lameda]
11 Noho ny anaranao, Jehovah ô,+Dia mamelà ny fahadisoako, na dia lehibe aza izany.
מ [Mema]
12 Iza no olona matahotra an’i Jehovah?+
Hatorony azy izay lalana tokony hofidiny.+
נ [Nona]
13 Hahita soa izy,+Ary ho lasa fananan’ny taranany ny tany.+
ס [Sameka]
14 Izay matahotra an’i Jehovah no namany akaiky,+Ary ampahafantariny azy ireo ny fifanekena nataony.+
ע [Aina]
15 Mibanjina an’i Jehovah foana ny masoko,+Satria izy no hanafaka ny tongotro amin’ny harato.+
פ [Pe]
16 Mba mitodiha atỳ amiko ka iantrao aho,Fa irery aho sady tsy misy mpiaro.
צ [Tsade]
17 Mihamaro ny fahorian’ny foko;+Afaho amin’ny fijaliako aho.
ר [Resa]
18 Jereo ny fahoriako sy ny olana mahazo ahy,+Ary mamelà ny fahotako rehetra.+
19 Jereo fa be dia be ny fahavaloko,Ary tsy tia maizina ahy izy ireo.
ש [Shina]
20 Arovy ny aiko ka vonjeo aho.+
Aza avela ho menatra aho, fa ianao no ialofako.
ת [Tao]
21 Ho voaro anie aho satria tsy mivadika sady manao izay mahitsy.+Ianao mantsy no antenaiko.+
22 Andriamanitra ô, vonjeo* amin’ny fahoriany rehetra ny Israely.
Fanamarihana
^ Na: “Aminao no anolorako ny tenako, Jehovah ô!”
^ Na: “hatramin’ny taloha ela be.”
^ Abt: “ho amin’ny hitsiny.”
^ Na: “amin’ny lalan’i.”
^ Abt: “avoty.”
