(hômèra).

Fatran’ny zavatra maina, ary mitovy amin’ny iray kora, na folo bata, na efaha folo. (Ezk 45:11, 14) Mira 22 L ny efaha iray, rehefa jerena ny habetsahan’ny bata iray. Midika izany fa 220 L ny iray homera. (Ho 3:2) Tsy nety afa-po ny Israelita tany an-tany efitra rehefa nomena papelika be dia be, ka “nahangona folo homera [2200 L] ireo nanangona kely indrindra.” (No 11:32) Ilazana fatrana vary orza, voa afafy, ary varimbazaha koa ny homera, ao amin’ny Baiboly.​—Le 27:16; Is 5:10; Ezk 45:13.