Fiainana mandrakizay ao amin’ny paradisa eto an-tany

Mampanantena fiainana mandrakizay ho an’ireo izay manome voninahitra azy Andriamanitra. “Ny marina handova ny tany ka honina eo aminy mandrakizay”, hoy ny toky omen’ny Teniny antsika. — Salamo 37:29.

Kanefa, mba hahatonga anao ho anisan’ “ny marina”, dia mila ny manao zavatra ankoatra ny mahazo fanazavana momba ny fampianarana ny amin’ny Trinite fotsiny ianao. Mila ny mandroso eo amin’ny fahalalana an’Andriamanitra ianao. Ho faly ny Vavolombelon’i Jehovah hanampy anao, raha tsy hoe efa mahazo izany fanampiana izany ianao amin’izao fotoana izao. Manorata fotsiny any amin’ny iray amin’ireo adiresin’ny Watch Tower akaiky anao indrindra hitanao etsy ambany, ka mangataha fanazavana fanampiny na ny mba hahatongavan’ny iray amin’ny Vavolombelon’i Jehovah any an-tranonao sy hiarahany mianatra ny Baiboly aminao maimaim-poana.