Ihapari Comaana Cantikhiye ni Matewus 1:1-25
1 Ilivuru yohanttisi ya Yesu Kristu, mwaana a Davidi, ni mwaana Aparahaamu:
2 Aparahaamu ahonyara Isaaki;Isaaki ahonyara Yakopi;Yakopi ahonyara Yutaa ni asunnawe;
3 Yutaa wamoca naamwaarawe yeehaniya Tamari yaahonyara Peresi ni Seera;Peresi ahonyara Esroni;Esroni ahonyara Rawuu;
4 Rawuu ahonyara AminatapeAminatape ahonyara Naasoni;Naasoni ahonyara Salimoni;
5 Salimoni wamoca naamwaarawe yeehaniya Raapi, yaahonyara Powaasi;Powaasi wamoca naamwaarawe yeehaniya Ruti, yaahonyara Opeti;Opeti ahonyara Yesee;
6 Yesee ahonyara Davidi, aakhanle mwene.
Davidi wamoca naathiyana yaari amwaara a Uriya, yaahonyara Salomau;
7 Salomau ahonyara Ropowau;Ropowau ahonyara Apiyaasi;Apiyaasi ahonyara Aasa;
8 Aasa ahonyara Yehosafati;Yehosafati ahonyara Yehorau;Yehorau ahonyara Usiya;
9 Usiya ahonyara Jotau;Jotau ahonyara Akasi;Akasi ahonyara Ezekiya;
10 Ezekiya ahonyara Manaseesi;Manaseesi ahonyara Amooni;Amooni ahonyara Yosiya;
11 Yosiya ahonyara Cekoniya ni asihimaawe; uwakati Ayuuta yaarwaaniyaaya u Babilooniya.
12 Uvira waya ukati Ayuuta anari u Babilooniya, Cekoniya ahonyara Seyatiyeeli;Seyatiyeeli ahonyara Soropapeeli;
13 Soropapeeli ahonyara Apiyuuti;Apiyuuti ahonyara Eliyaki;Eliyaki ahonyara Azori;
14 Azori ahonyara Satoki;Satoki ahonyara Akim;Akim ahonyara Eliyuudi;
15 Eliyuudi ahonyara Eleyasari;Eleyasari ahonyara Mataani;Mataani ahonyara Yakopi;
16 Yakopi ahonyara Yusufu, Yusufu ahonthela Maria ule anyanre Yesu, ciicammo neehaniya Kristu.
17 Ukhuma ukati wa Aparahaamu mpaka ukati wa Davidi, maloko otheene yaavinre yaari 14; ukhuma ukati wa Davidi mpaka ukati Ayuuta yaacisiyaaya u Babilooniya, yaavinre maloko 14; ukhuma ukati Ayuuta yaarwaaniyaaya u Babilooniya mpaka ukati wa Kristu, yaavinre maloko 14.
18 Ala phimananna Yesu Kristu aayaryeelyaawe. Anumwaane Yesu yeehaniya Maria, ahinaaya utheliya ni Yusufu masi anapakaneliyeene, ayova yahorupala irukulu yakaviheriyaka ninnepa wowaarya.
19 Masi ukhala wiira Yusufu waanoncivela weettela isariya ni khaapheela umoonihaca ihaaya Maria, uyo aaholakela unhiya woohaahimeerya atthu akhwaawe.
20 Vano, Yusufu wuupuwela wawe upanka iyo itthwiiyo, arupaka, nahowa nlayikha na Yehova ni nahomwiirela co: “Yusufu mwaana a Davidi, uhoove uncisa Maria wiira akhale amwaaraa, ukhala wiira uyo rupanle irukulu akaviheriyaka ninnepa wowaarya.
21 Uyo naahala unyara mwaana mwanlopwana, ni unvahe ncina Yesu, kontha uyo naahala uwoopola apoovwaawe mmatampini.”
22 Iyo itthwiiyo yiirannyeele, wiira Yehova eerannyeehe inatiri yanrumalyaawe porofeetaawe uhimyaca, yeera:
23 “Mwiiwe! Mwaaruusi naahala urupala irukulu ni naahala unyara mwaana mwanlopwana, nohala uvahiya ncina Emanuweli,” nno ncinanno maanaaya, “Nluku ri ni hiiva.”
24 Yusufu aahonwa ni ahopanka cotheene caahimeriyaawe ninlayikha na Yehova. Ahonrwaana Maria uwannyawe wiira akhale amwaarawe.
25 Masi uyo khanruparupanne Maria mpaka waayanryaawe, ni uyara wawe, Yusufu ahonvaha mwaanooyo ncina na Yesu, khampa ceereliyaawe.
