ANAMATHOONYERA Anamathoonyera athanliye wiira yuukavihereni. Sontte ninawuulepelani upanka inhalaaya uwiirelani, nttharaka inhalaaya uhimya toko inanna coweemesa ikaaro, weettakaca nipuro no nkutthaano, uthanla mapuro owonkoma ni citthu cikinaku.

CIRIMENLE NI CILOKOTTHIYE Sontte, nohala ulokottha itthu wakonkereesuni ni wohincuwela mwaneene tipani, haana arwaaka uhiya nipuro cintafitiyaaya Cirimenle ni Cilokotthiye. Ule inrimenle itthu arwee nno nipuronno awehe itthwaawe. Asaana oorimela ciicammo arwaaniye nipuro nenno. Ayari, mwaawehawehe saana asaaniinyu ooyevaca cinene ni nhaahiye veekha wiira ahuurimeleni.

MAKAVIHERO OOPACERA Sontte nhiliyale wiira nna nipuronna ninhala utafitiya iretta awula masakha anhala ukhumelela wankonkereesuni paahi.

MAPURO OWONKOMA Sontte, nthoonyere waawacera akhwiinyu. Mwaasunkere nipuro nowonkoma ale anaakhalaneenyu inupa imoca, mwaatthukanneenyu nkwaha nrwaaka ukonkereesuni ni ale anasomiheenyu Ibiiblya. Nheese ikuwo, nrupa awula itthu ikhwaawe waculu ikhatera ihikhanle impheeleenyu usunka.

MICANKO Uhorihakaciya nsurukhu mwinci wiira citthenkaciye ihice awula ikhatera coohala wonkomeliya, ikaruma cinci coorumihaciya, ikaruma co wooniheriya ividiyu ni citthu cikinaku coohala ukavihera uviriyana ikonkereeswiila inhala unikavihera ulipihaca upatthaniihu ni Yehova. Micanko cinhaleenyu uvaha, phinhala ukaviherera utthenkaciya cila citthucila ni ukavihera nteko woolalyeera ntuninyani ihapari comaana ca Nluku. Nipuro ninhala upankiya ikonkereesu nnaahala uphwanya ikaasa cinci unhalaaya uheliya micanko. Ciicammo pooti ucanka nvarelaka nteko isayiti donate.dan124.com. Khula ncanko unhaleenyu uvaha unkowaakheleliya sana-saana, ni Mphwinko wo Mahumu Unhoolela unawuusukhuruni cinene inanna cinkavihereenyu miteko co Umwene wa Nluku.

MPATTISO Ihice coohala wonkoma ale anhala upattisiya wakonkereesuni cinaahala uthanliya khalayiiru waattamenle ipaaluku. Isaapatu uwicisu uhinancera mwaha wompattiso, otheene anhala upheela upattisiya ahaana arwaaka wonkoma nnyo ihicennyo. Ni ukati woopattisiya ahaana awaraka ikuwo yoothoonyera ihisima.

NTEKO WO WIIVAHERERIYA Mwapheelaka ukavihera miteko co wakonkreesuni, nrwee nipuro ninvahiya Ihapari ni nintthenkaciya Nteko wo Wiivahereriya.

Icikola ya Anamalalyeera Umwene Mapiyoneeru akhalanne myaakha ukhuma 23 mpaka 65 ampheela wuncerera miteko cinonvarelaaya Yehova, anaalattuliya uviriyana nkutthaano wa ale ampheela ukela Icikola ya Anamalalyeera Umwene. Nkutthanoola unhala upankiya Itominku uthana. Iwoora ni nipuro unhalaaya upankiya cinaahala uttonkiya nenno nihukunno.