Nihuku 29 no Outubro o mwaakha wo 2023, amunna Marcelo Santos, ampanka mphantte wo ikhurupu yo Mahuumu Anhoolela Ipeteli yo Moçambique, yaahohimyaca utaphuleliya wo Ibiibiliya—Ihapari Comaana Cantikhiye ni Matewus, niiluuka ichopi. Ayo yaahimyacile wankutthaanoni muulupale waapankiye u Quissico, ilapo yo Mozambique. Atthu 460 yaari wankutthaanoni va yahaakhenla iyo ibiibiliyeeyo. Ciicammo waahohimiya wiira atthwaayo pooti waabaxaryaaya iyo ibiibiliyeeyo mwinternetini ni wiira ciicammo ahaavo audiywaaya.

Uneeriya wiira atthu ookhalaka 1,1 milãoes anawuuluma iluuka ineehaniya Chopi. Atthu enci anooluma iyo iluukeeyo ankhala uhitto waya ilapo yo Moçambique. Ahaavo mayaamunna oopwahaka 332 mmalokoni ni ikhurupu 5 cimpaka mikutthaano niiluuka Chopi. Hataa ukhalaka wiira ciihaavo Ibiibiliya cikhwaawe ceeluuka chopi, nnyo khacinromola ncina na Yehova, cinaarikihiya ni citaphuleliye nimoolumacero okhalayi.

Niri ootteeliya cinene ucuwela wiira mayaamunneehu anooluma ichopi ahaakhela iyo ibiibiliyeeyo, ninlompa wiira ila itthuvo yomaaneela, yaakavihere atthu enci wiiweeha ikhweeli co mbiibiliyani.—Isaiya 55:1.