Ezaya 30:1-33
30 Yeova walanda wati: “Kalanda uku yana aakoma imyenzo,Aakacita vino ntalanzile,Aakapangana na yauze ivipangano ukwaula ukutungululwa nani,Pakuti yalunde pa membu zyao.
2 Yakaya uku Ijipti ukwaula ukunguzya,Kuti Falao akayacingilile,Nu mu kwikala umu cisaao cakwe Ijipti!
3 Lelo ukucingilila kwakwe Falao kulamulenga ukuvwa insonyi,Nupya icisaao cakwe Ijipti cilalenga muzewane.
4 Pano ya cilolo yakwe yaya umu Zoani,Ni nkombe zyakwe zyafika nu ku Hanesi.
5 Yonsi kwene yaluvwa insonyiPa yantu aatanga yayacitile icili consi,Aatanga yayazwe nanti ukuyacitila icisuma,Suka sile ukuyaletela insonyi nu muzewanya.”
6 Ivilacitikila ivilyanyi vya ku kaeya aevi:
Mu mpanga umwaya malanda na macuzi,Umwaya ya cisama, ya cisama aakalila,Umwaya ya cipili ni nzoka zya moto izikapapuka,*Yakasendela ivyuma vyao pa matundu yakwe ya pundaNi vintu vyao pa ntengele zya ngamila.
Lelo ivintu vii vitalazwa antu.
7 Uwazwilizyo wakwe Ijipti u wa sile sile.
Fwandi injapeela izina lyakuti: “Lahabu, aakaikala sile ukwaula ukucita cili consi,”
8 “Pitanga, ukalembe api iwe ilipapatane pa nkoleelo yao,Ukalembe nu mwi buku,Pakuti uku nkoleeloMazwi yaa yakaye unte uwa manda pe.
9 Pano yene aacipondoka, aausomvi,Aasilonda ukuvwa uku masunde yakwe Yeova.
10 Yakanena aakalola ivilolwa iyati, ‘Mutaalola ivilolwa,’
Nu kuti, ‘Mutaatunena ivilolwa vya cumi.
Mwatunena ivya ufi; ni vya usomvi.
11 Fumini umu nzila.
Mutaatunena pali Leza wa Muzilo wakwe Izlaeli.’”
12 Uwa Muzilo wakwe Izlaeli walanda wati:
“Pa mulandu wakuti imukana mazwi yaaNu kutaila ivya ufi ni vya usomviNupya mwasintilila pa vintu vii,
13 Luyembu luu lulaya pali mwemwe wa ciumba icikweti umulale,Wa ciumba icitali icaticiyendama icili umu kupona.
Cilapona zuwa, umu kupumikizya.
14 Cilavungoka wa nyungu iikalamba,Icakuti kutalasyala ivipande*Vino yangapalilako umotoNanti ukutapilako manzi.”
15 Umwene wa Papelapela Yeova, Uwa Muzilo wakwe Izlaeli walanzile ati:
Nga mwawela nu kuloleela pali nene, mulapusuka;Amaka inu yalaya umu kuteeka umwenzo nu kuya nu utailo.”
Nomba mutaalondanga ukucita vivyo.
16 Lelo mwalanzile imuti: “Tulutuka pa mfwalasi!”
Fwandi mulutuka.
Nupya mwalanzile imuti, “Tulakwela pa mfwalasi izikasimulisya!”
Lelo aalamuzinganya yalasimulisya.
17 Antu 1,000 yalazakaza pa mulandu ni cintiinya ca muntu wenga;Mulutuka pa mulandu ni cintiinya ca yantu 5Mpaka muce musyale wa cimuti icili papela ya mwamba,Wa muti uuli wa cimanyililo pa ka mwamba.
18 Lelo Yeova akuloleela ukumucitila ivisuma,Nupya alamuvwila uluse.
Pano Yeova a Leza wa mulinganya.
Aansansa ayayo aakaloleela pali aliwe.
19 Lino mulikala umu Zioni, mu Yelusalemu, mutalatala muloosye. Leza alamucitila ivisuma lino mulaleenga uwazwilizyo; alamwasuka lilyo kwene.
20 Nanti cakuti Yeova Kasambilizya Winu Mukalamba alalenga mukwate intazi kwati ali vyakulya na macuzi yaye kwati ali manzi, atalaifisapo nupya, nupya mulamulola na manso inu.
21 Nga mwalonda ukupaalukila ukwi lunji nanti kuli cimani muluvwa izwi ukwi tundu linu likuti, “Yii ali nzila. Amuno mwapita.”
22 Nupya mulakowezya ivilubi vinu vyakwe siuva na vyakwe goldi. Mulavisumba wa cisalu icikoweziwe nu wazi wa mwanaci aali uku mwezi, nu kulanda imuti, “Mwemwe vikowele!”
23 Alaleta imvula pa mbezu zino mulakomela umu musili, nupya mulazombola ivyakulya ivingi nupya ivisuma. Mu wanda uuwa iviteekwa vinu vilaalya umu ncende ikulu iya mulemvwe.
24 Ing’ombe na ya punda ivikaomba umu vyalo vilaalya ivyakulya ivisakanye ni vyakulya vyuze ivisuma vino yezile ukuomvya fosyolo na ya foloko ya kwelelako.
25 Pa mwamba onsi utali na pa kamwamba konsi katumpuke palaya manzi umu wanda uno antu yalakomwa icipisye lino impungu zilapona.
26 Luswepo lwa mwezi upuma lulaya wa luswepo lwi lanzi; nupya uluswepo lwi lanzi ululayako pa wanda onga, lulaya kwati ulufwile ukuyako pa manda 7, mu wanda uuwa Yeova alanyepelela ivilonda vya yantu yakwe aacisike nu kupozya ivilonda iviipisye vino wayalwaliike.
27 Lolini! Yeova* akwiza ukufuma ukutali,Akwiza nu ukali na makumbi aafine.
Akulanda ukali ukali,Nupya ululimi lwakwe luli wa moto uukaoca.
28 Maka yakwe yali wa luzi lwa mukuku uluzuule ukufika nu mu nsingo,Pakuti asunkanye inko ukuomvya ulunyungo lwa wononesi;Nupya alakoweka vimwi umu nzekete zya yantu pakuti ayaponzye.
29 Lelo ulwimbo lwinu lulaya wa lwimbo luno umwi akwimba usiku,Nupya mulansansamuka wa muntuAakupita ala akulizya umutoliloLino akuya uku mwamba wakwe YeovaIciliwe cakwe Izlaeli.
30 Yeova alalenga izwi lyakwe ilya maka ukuvwikaNu kuleka ikasa lyakwe liloleke lino liliza umu kufulula alwani yakwe ala watasoka sana,Lilaya wa cimbilimbili ca moto,Imvula iipisye, kupangalakansya ni mvula ya mawe.
31 Pa mulandu ni izwi lyakwe Yeova, Asilya aluvwa intete;Nupya alumwa ni ntuwa.
32 Lyonsi lino Yeova uuma Aina AsilyaUkuomvya intuwa ya kufulwilakoKulauvwika iciunda ca tungoma na mazeezeLino akuyalwisya ukuomvya ikasa lyakwe.
33 Tofeti* wakwe wapekanyiziwa;Nupya amuno nu mwene wao kwene alocelwa
Wazuuzya inkwi pa ncende iizike nupya iisaalale.Paya umoto sana ni inkwi izingi.
Muza wakwe Yeova ulaya wa moto uwipisye,Uloca Tofeti.
Mafutunoti
^ Nanti “inzoka ya usungu Iikusimula.”
^ Kuli kuti vinga.
^ Mu Ciebele: “Izina lyakwe Yeova.”
^ Paa izwi lyakuti “Tofeti” lyaomviwa ukulozya uku cifulo ca kocelako ica unkolanya icikaimililako uwononesi.
