Ezaya 31:1-9
31 Kalanda kuli yayo aakaya uku Ijipti umu kuleenga uwavwilizyo,Aataila umu mfwalasi,Aataila maceleta ya nkondo pa mulandu wakuti aingi sana,Nu mu yonsi aakakwela pa mfwalasi pa mulandu wakuti yaya na maka.
Lelo yasileenga uwazwilizyo uku wa Muzilo wakwe Izlaeli,Nupya yasilonda Yeova.
2 Lelo nawe kwene wakwata mano, alaleta ukali,Alafikilizya vino walanda.
Alafulula aakacita iviipePamwi na aakayazwilizya.
3 Aina Ijipti aantu sile, yatanga yalingane na Leza;Imfwalasi zyao iinyama sile, asi umupasi.
Lino Yeova alakatusya ikasa lyakwe,Wensi aakwazwilizya umuze alapumika,Na wensi wino yakwazwilizya alapona;Yonsi kwene yalafwa pa nsita ili imwi.
4 Yeova watanena ati:
“Wakwe viivi kwene vino cisama uwa maka akang’anzila inyama ino akulonda ukulema,Lino iumba lyakwe ya kacema lyakolongana pamwi kuti limulwisye,Nupya asitiina mazwi yaoNanti yangamupundilila uliAvino na Yeova aliza umu kulwa inkondoPa mulandu nu Mwamba wa Zioni na kamwamba akayapo.
5 Wakwe vino ivyunyi ivikapapuka vikacingilila utwana, avino na Yeova alacingilila Yelusalemu.
Alamucingilila nu kumupususya.
Alamuvwila uluse nu kumupokolola.”
6 “Swililini kuli wino mwapondokela iciipisye mwe yantu ya mu Izlaeli.
7 Pano mwayembwike nu kuipangila ya leza yakwe siuva na yakwe goldi aa sile sile, lelo umu wanda uuwa mulayasumba.
8 Aina Asilya yalakomwa nu lupanga;Nupya asi ulupanga lwa yantu ululayalya.
Yalapuuka pa mulandu nu lupanga,Nupya aonsi ya mu mpanga yao yalaya azya.
9 Wensi wino yaataila* alaponga pa mulandu ni ntete,Nupya ya cilolo yakwe yalazakaza pa mulandu ni cimuti ca cimanyililo,” vikwene avino Yeova walanda,Wino uluswepo lwakwe* lwaya umu Zioni ni lungu lyakwe umu Yelusalemu.
