Ezaya 38:1-22
38 Lyene Hezekiya wizile alwala umupiipi nu kufwa. Kasesema Ezaya mwana Amozi waile kuli aliwe nu kumunena ati, “Yeova watalanda ati: ‘Nena amu ng’anda yako ivya kucita pano umafwa; usikupola.’”
2 Lyene Hezekiya wapiliukiile uku ciumba atandika ukupepa kuli Yeova ati:
3 “Napaapata we Yeova, iusya vino nakuombela na ucisinka nu mwenzo wane onsi na vino nkacita ivisuma kuli wewe.” Nupya Hezekiya watandike ukulila sana.
4 Lyene Yeova wanenyile Ezaya ati:
5 “Swilila ukanene Hezekiya uti, ‘Yeova Leza wakwe Devedi icikolwe cako walanda wati: “Inuvwa ipepo lyako. Indola na minsozi yako. Nimakulundilako imyaka 15,
6 nupya ndakupususya nu kupususya umusumba uu uku mwene wa ku Asilya nupya ndacingilila umusumba uu.
7 Icimanyililo icifumile kuli Yeova icikulangilila ukuti Yeova alafikilizya vino walanda aeci:
8 Nimalenga icinzingwa ca pa masitepu yakwe Ahazi ciswilile uku cisila kufika api sitepu ilyalenga 10.”’” Fwandi nanti icakuti walanga ilanzi ilipita mpiti lyaswilile uku cisila masitepu 10.
9 Vii avino Umwene Hezekiya uwa ku Yuda walemvile pa cisila ca kupola uku ulwale wakwe.
10 Nalanzile inti: “Nimaingila umu mpongolo zya ku Malindi*Lino ntatala nakota
Umi wane uli uku mpela.”
11 Nupya natiile: “Ntalalolapo Jah,* ntalaya pa yantu aumi nu kulola Jah.
Ntalalolapo antu nupyaLino ndaya pamwi na antu aaya uku ncende ukutaaya umi.
12 Umi wane uli wi tenti lyakwe kacemaLino iyapangulula nu kusenda.
Impomba umi wane wakwe vino kapikula akapomba icakuzwala cino wamala ukupikula;Wataputula umi wane wakwe vino yakaputula icakuzwala kufuma ku ca kupikwilako.
Kufuma kasanya ukufika manguzi ukuntwala umu ntazi.
13 Nkaiteekezya ukufika katondo.
Akakontoola mafupa yane yonsi wakwe cisama;Kufuma kasanya ukufika manguzi ukuntwala umu ntazi.
14 Nkalila wa kamimbi nanti wa kunyi akanono;Nkalila wa nkunda.
Intonta muno nkuloleela uwazwilizyo ukufuma ukwi yulu:
‘We Yeova, indi ni ntazi ikalamba;Ngavwe!’
15 I vyani vino ningalanda?
Wene wavwanzile nupya watacita vino walanzile.
Lyonsi kwene ndaya umuicefyePa mulandu ni ntazi zyane izikalamba.
16 ‘We Yeova pa mulandu wako antu yonsi yaya nu umiNupya nani kwene acino nayela nu umi.
Ulampozya nu kumpususya.
17 Lola! Ntaakweti umutende, nakweti intazi ikalamba;Lelo pa mulandu wakuti wantemwaWatumpusya uku mfwa,
Watusumbila imembu zyane zyonsi ukwi tundu lyako.
18 Pano Ilindi* litanga likucindike,Imfwa itanga ikulumbanye.
Aakaya uku malindi yatanga yalole ucisinka wako.
19 Aali nu umi yangakulumbanya,Wakwe vino nkucita ilelo.
Isi anganena anakwe pali ucisinka wako.
20 We Yeova, mpususye,Nupya tulaalizya inyimbo zyane ukuomvya ya banjoPa ng’anda yakwe Yeova umi witu onsi.’”
21 Lyene Ezaya walanzile ati: “Letini iciulungwa ca masamvu aume nu kumwikila pa cilonda, pakuti apole.”
22 Walanga Hezekiya watauzya Ezaya ati: “Nimasininkizya uli ukuti ndaya uku ng’anda yakwe Yeova?”
Mafutunoti
^ Nanti “Syeo.” Lolini Ulondolozi wa Mazwi.
^ “Jah” iinzila iipi iya kulembelamo izina lyakuti Yeova.
^ Nanti “Syeo.” Lolini Ulondolozi wa Mazwi.
