Yakobo walwisyanyizye nu mungeli pakuti apaalwe na Yeova. (Utan. 32:24-31; Ose. 12:3, 4) Nga swemo? Uzye tukaitemelwa ukuvwila Yeova nu kuombesya pakuti atupaala? Tuti limwi mulinzile ukupingulapo apa kuzanwa umu kulongana, nu kuombako amaawazi aingi uku milimo yuze, i cani cino mungasoololapo ukucita? Ndi cakuti tukuomvya insita itu, amaka ni vikwatwa vitu uku kuombela Yeova, alatupongolwela ‘mapaalo aingi.’ (Malaki 3:10) Alaatutungulula nu kutucingilila nupya alaatupeela vino tukalondekwa.—Mate. 6:33; Ayeb. 13:5.

TAMBINI VIDYO YAKUTI: MWAIKA SANA AMANO UKU KWIMIKA MAUYO MULI VYAKWE LEZA, LYENE MWASUKE MAUZYO ALONDELELAPO:

• Uzye nkazi weziwe uli uku vintu vino watemwa?

• Uzye tungeziwa uli ni milimo ino tukaomba?

• U mulandu ci uno Timoti walondekwanga ukwimika mauyo na lino wali umukome muli vyakwe Leza?—1 Tim. 4:16

• Uzye tukalanga uli umulimo uno twacindamika sana?