Upaalilo waya kwati indele. (Ayeb. 6:19) Ukatwavwa ukutaluka uku vintu ivingonona ukapepa witu ivyaya kwati uwato ukwingizya manzi umukasi lino kuli cimuza icipisye pali yemba. (1 Tim. 1:18, 19) Pa ntazi zyaya wa cimuza cipisye ca pali yemba, limwi paya ni ntazi zili wakwe zii: kuvwa sana ulanda, kuponzya ivyuma, kulwalilila, kufwilwa alino ni ntazi zili zyonsi zingonona ukaele witu.

Kuya nu utailo alino nu kwelenganya sana pa vilacitika uku nkoleelo kungalenga twalola ningo visuma vino Leza watulaya. (2 Kol. 4:16-18; Ayeb. 11:13, 26, 27) Fwandi asi mulandu ndi tulikala ukwi yulu nanti pano nsi, swensi kwene tulinzile twakomya utailo witu lino tukwelenganyapo sana pali vino Leza watulaya muli Baibo. Ndi tukucita vivyo cilalenga ukuti tutwaliliile ukuya nu luzango nalino twaya ni ntazi.—1 Pet. 1:6, 7.

TAMBINI VIDYO IIKUTI MWAZANGILA UMU VISUMA IVILACITIKA UKU NKOLEELO, LYENE PA CISILA MWASUKE MAUZYO YAA:

• U mulandu ci uno tulinzile ukukolanyizizya Mose?

• Uzye u mulimo ci uno aakatungulula umu lupwa yakwata?

• A malyasi ci yano limwi mungasambilila apa Kupepa Kwa Lupwa?

• Uzye ukwelenganya pa visuma ivilacitika uku nkoleelo, kungamwavwa uli ukuzizimizya intazi?

• Uzye i vyani vino mukulondesya ukwizalola uku nkolelo?