Kwatini uyo. Manyini ndi cakuti ilyasi linu liyelileko ukumanyisya, ukusinila, nanti ukucincizya ali umwi umba nupya lilandini vivyo kwene. Sininkizyini ukuti ivisinka vikalamba vyonsi vikumwazwa ukufikilizya uyo winu.

Landini sana pali cino cikulandwapo umwi lyasi linu. Mwalanda sana pali cino cikulandwapo umwi lyasi linu lino mukuswilizyapo amazwi acindame sana aakulanda pali cino mukulandapo nanti mungaomvya amazwi akolineko.

Londololini ningo ivisinka vikalamba nupya umu nzila iyangupale. Soololini ivisinka vikalamba ivikuuvwana ni cikulandwapo nupya vino mungasambilizya ningo umu nsita iyatilangililwa. Mutalinzile ukuvuzya ivisinka vikalamba, londololini ningo icisinka cikalamba conga na conga, mwatala imwimilila pa kuya uku cisinka cuze, nupya mwavilemenkanya ningo.