ISAMBILILO 14
Uzye Imipepele Itu Inganzazya Uli Leza?
Wakwe vino twasambilile umwi sambililo lyafumako, asi mipepele yonsi iikazanzya Leza. Nomba tungapepa Kaumba witu mu nzila ikamuzanzya. Uupefi nanti imipepele ci iikamuzanzya? (Yakobo 1:27) Lolini vino Baibo ikasambilizya.
1. Uzye upefi witu ulinzile ukusintilila pali cani?
Upefi witu ulinzile ukusintilila pali Baibo. Yesu wanenyile Leza ukuti: “Amazwi yako ali cumi.” (Yoane 17:17) Imipepele imwi yasuula icumi icaya umwi Izwi lyakwe Leza, Baibo. Yapyanikizyapo ivisambilizyo vya yantu ni ntambi. Nomba Yeova asizangila muli yayo akasuula masunde yakwe Leza. (Belengini Mako 7:9.) Tukalenga Leza ukuya ni nsansa ndi cakuti upefi witu wasintilila pali Baibo, nu kulondela mano ayamo.
2. Uzye tulinzile ukupepa uli Yeova?
Tulinzile ukulapepa sile Yeova pano ali Kaumba witu. (Kusokolola 4:11) Cii cikupiliula ukuti tulinzile ukumutemwa nu kulamupepa sile wenga kwaula ukuomvya ivinkolanya.—Belengini Ezaya 42:8.
Upefi witu ulinzile ukuya uwa “muzilo” nupya uno Yeova angapokelela. (Loma 12:1) Cii cikupiliula ukuti tulinzile ukulalondela masunde yakwe. Wakwe, yayo aatemwa Yeova na masunde yakwe yakalondela masunde akalanda pa cupo. Nupya yakasenka ku kucita ivintu viipe wakwe, kupeepa fwaka, kuomvya imilembo ikavulunganya uwongo nanti uwengwa. a
3. U mulandu ci uno tulinzile ukulapepela Yeova pamwi na ya kapepa yanji?
Kulongana kuno tukakwata cila mulungu kukatupeela isyuko lya kulumbanya Yeova mu cilongano. (Masamu 111:1, 2) Inzila yonga ino tukacitilamo vivyo u kwimbila Leza. (Belengini Masamu 104:33.) Yeova watunena ati twazanwa mu kulongana pano watutemwa nupya wamanya ukuti kulatwazwa ukuya ni nsansa manda pe. Lino tuli pa kulongana tukakomelezya yauze, nayo yakatukomelezya.
LONDELEZYINI NA VYUZE
Sambililini umulandu uno Leza asizumilizizya ukuomvya ivinkolanya pa kupepa. Sambililini na pa nzila izicindame zino tungalumbanyizizyamo Leza.
4. Tutalinzile ukulaomvya ivinkolanya lino tukupepa
Twamanya uli ukuti ukucita vivyo kukasosya Leza? Tambini VIDYO, alino mulanzyanye iuzyo ilyatililondelelapo.
-
I vyani vyacitikiile aomvi yakwe Yeova yamwi aaliko mu nsita ino ivyalumbulwa muli Baibo vyacitikanga lino yapefile ukuomvya ivinkolanya?
Yamwi yakaomvya ivinkolanya lino yakupepa kuli Leza pano yakayuvwa ukuti ali nzila ino yangapalamilamo kuli aliwe. Nomba cico cingalenga ukuti yatapalama kuli Leza. Belengini Kufuma 20:4-6 na Masamu 106:35, 36, alino mulanzyanye mauzyo yaa:
-
I vintu cii nanti ivinkolanya vino mwalola antu yakaomvya pa kupepa?
-
Uzye Yeova akayuvwa uli pali vino yamwi yakaomvya ivinkolanya?
-
Uzye mukayuvwa uli pali vino yamwi yakaomvya ivinkolanya?
5. Ndi cakuti tukupepa sile Yeova tulataluka ku malyasi ya ufi
Lolini vino ukupepa Yeova wenga sile kungalenga tutaluke ku malyasi ya ufi. Tambini VIDYO.
Belengini Masamu 91:14, alino mulanzyanye iuzyo lii:
-
I vyani vino Yeova walaya ukutucitila ndi cakuti twalanga ukuti twamutemwa lino tukumupepa sile wenga?
6. Tukapepa Leza lino tuli umu kulongana
Tukalumbanya Yeova nu kukomelezyanya wenga na wenga lino tukwimba na lino tukwasukapo pa kulongana. Belengini Masamu 22:22, alino mulanzyanye mauzyo yaa:
-
Uzye mukaipakizya ukukutika ku vyasuko lino muli pa kulongana?
-
Uzye mungatemwa ukupekanya pakuti mukasukepo?
7. Yeova akauvwa ningo ndi cakuti tukunenako yauze pali vino twasambilila
Kwaya inzila izingi zino tungalanzyanyizizyamo icumi caya muli Baibo na yauze. Belengini Masamu 9:1 na 34:1, alino mulanzyanye iuzyo lii:
-
I vyani vimwi vino mwasambilila muli Baibo vino mungatemwa ukunenako umwi?
YAMWI YAKALANDA UKUTI: “Citanga cicitike ukuzanzya Leza.”
-
Uzye mwemo mukwelenganyapo uli?
VINO TWASAMBILILA
Tukazanzya Kaumba witu lino tukupepa aliwe sile wenga, ukumulumbanya lino tuli pa kulongana, nu kunenako yauze vino twasambilila.
I vyani vino mwasambilila?
-
Aemwi muno Leza akatunena vino tulinzile ukulamupepa?
-
U mulandu ci uno tulinzile ukulapepela sile Yeova?
-
U mulandu ci uno tulinzile ukulapepela pamwi na yauze aakalonda ukuzanzya Leza?
LONDELEZYINI
Belengini umulandu uno umwanaci umwi wayela ni nsansa pa mulandu wakuti wata ukupepa ivilubi.
“Ndakai Lyene Nata Ukupepa Ivilubi” (Lupungu Lwa Mulinzi, Julai 1, 2011)
Sambililini vino mungacita pakuti mwaasukapo pa kulongana.
“Mwalumbanya Yeova mu Cilongano” (Lupungu Lwa Mulinzi, Januwale 2019)
Lolini vino uwacance umwi waipakizye ukulongana nanti cakuti camutalile pakuti azanweko.
Antu aingi yazumila ukuti musalaba ukaimililako Aina Klistu, nomba uzye tulinzile ukuuomvya lino tukupepa?
“I Cani Cino Ya Nte Yakwe Yeova Yasiomvezya Musalawa Lino Yakupepa?” (Cipande ca pa intaneti)
a Malyasi yaa yalalandwapo mu masambililo ali ku nkoleelo.
Limwi Mungatemwa Ukulolako na Vii
MAUZYO YANO ANTU YAKAUZYA SANA
Uzye Isambililo Lya Baibo Ali Cani?
Zanini masuko ku mauzyo pali vino tukasambilizya antu Baibo ukwaula ukuyalipilisya.
