Lino tukubelenga Baibo ukulondelezya kungatwazwa ukuzana ivyeo ivingatwazwa. Nomba tungacita uli pakuti twaipakizya sana?

Mwalondelezya sana api lyasi lino mukubelenga. Wakwe, ukumanya uwalemvile, yano yalembiile, na lino lyalemvilwe. Uzye ivintu vyali uli pa nsita iya, i vyani ivyacitike lino vii vitatala vya citika, nupya i vyani ivyalondelilepo?

Mwalola vino mungasambililako Lino mu kuyuzya amauzyo wakwe: ‘Uzye aaliko pa nsita iya ya yuvwanga uli? Imiyele cii ino yalangizye? Umulandu cii uno ndinzile ukuyakolanyizizya, nanti ukukana yakolanya?’

Mwaomvya vino mwasambilila, Lino mukuomba umulimo wa kusimikila alino nu mu wikazi. Nga mukucita vivyo mulaya na mano wakwe vino Baibo ikalanda: “Uwa mano lekini asambilile cico, nu kwiluka.”—Masa. 107:43.

• Vino mungacita: mwaelenganya pali vino iciputulwa cakuti ivyuma ivyaya umwi izwi lyakwe Leza cikatwazwa ukuomvya vino tukusambilila icikayako pa kulongana kwa mukasi ka mulungu. Iciputulwa ci cikakwata amauzyo yano tunga yuzya, ivisinka vya kwelenganyapo, alino ni ivilangililo vino tungasambililako.