LUPUNGU LWA MULINZI—LWA KUSAMBILILAMO Juni 2020
Muli magazini wii muli vipande vya kusambililamo ukutandika Ogasiti 3-30, 2020.
“Izina Lyako Licindikwe”
Cipande ca kusambililamo 23: Ogasiti 3-9, 2020. U mulandu ci ucindame sana ku antu nu ku angeli? I cani cino umulandu uwo wacindamila nupya umulandu uwo watukuma uli? Kumanya amasuko ku mauzyo yaa na yauze akoline na yaa kumatwazwa ukukomya ucuza witu na Yeova.
‘Umpeele Umwenzo Onga Kuti Naopa Izina Lyako’
Cipande ca kusambililamo 24: Ogasiti 10-16, 2020. Umu cipande cii, tumaika sana mano ukwi pepo lya Mwene Davidi ilyalembwa pali Masamu 86:11, 12. Uzye cikapiliula cani ukutiina izina lyakwe Yeova? U mulandu ci uno tulinzile ukutiinila izina lilyo? Nupya ukutiina Leza kungatucingilila uli ndi cakuti twatunkwa ukucita vimwi iviipe?
Mauzyo Yano Aakawelenga Yakauzya
Uzye imiyele iyaya api lembelo lyakwe Galatiya 5:22, 23 [NWT] ali miyele sile ino umupasi wa muzilo ukatulenga ukukwata?
“Nene Kwene Ndalonda Imfwele Zyane”
Cipande ca kusambililamo 25: Ogasiti 17-23, 2020. U mulandu ci uno yamwi aombela Yeova ni cisinka pa myaka iingi yapumbukila kufuma uku cilongano? Uzye Leza akauvwa uli pa antu yayo? Cipande cii cimaasuka mauzyo yaa. Nupya tumalanda na pali vino tungasambilila kuli vino Yeova wavwile aomvi yakwe aaliko mu nsita ino ivyalumbulwa muli Baibo vyacitikanga aapumbwike kufuma kuli aliwe pa nsita imwi.
‘Welini Kunondi’
Cipande ca kusambililamo 26: Ogasiti 24-30, 2020. Yeova akalonda yonsi aata ukusimikila nu kulongana ukuswilila kuli aliwe. Tungakomelezya aata ukulongana nu kusimikila aakuzumila ulwamo lwakwe Yeova ulwakuti: ‘Welini Kunondi.’ Mu cipande cii tumalanda pali vino tungayazwa ukucita vivyo.
