Tungelelwa sile imembu zitu ukupitila umwi ilambo lino Yesu wapeezile. (Efes. 1:7) Nomba Baibo ikati: Leza wateeka umwenzo, “welezile antu pa membu zino yacisile mpiti,” vii vyacitikanga ala Yesu atatala wapeela ilambo. (Loma 3:25.) Uzye Yeova weleelanga uli imembu lino kutatala kwaya ilambo nupya pa nsita ili imwi ala akulanga umulinganya?

Yeova walavile ukuti wali nu kutula yonsi ataila umu “mwanakwe” nupya vino walanzile cali kwati watapeela mpiti ilambo. (Utan. 3:15; 22:18) Leza wataile ukuti Yesu wali nu kupeela ilambo pa nsita ilinge. (Gala. 4:4; Aeb. 10:​7-10) Lino Yesu wali pano nsi Yeova wamupeezile amaka akweleela imembu lino atatala wapeela ilambo. Ukwelenganya pi ilambo lino wali nu kupeela kwalenzile Yesu aeleela yonsi alanganga utailo.— Mate. 9:​2-6.