LUPUNGU LWA MULINZI—LWA KUSAMBILILAMO Novemba 2016
Mu Lupungu luu muli ivipande vya kusambililamo ukutandika umu mulungu wa Dizemba26, 2016 kufika umu Januwale29, 2017.
Izwi Ilyakweti Sana Upiliulo!
Inzila ci isuma ino Yesu waomvyanga apa kulanda na antu?
“Mwakomelezyanya Manda Onsi”
U mulandu ci uno cacindamila sana ukukomelezya yauze? I vyani vino mungasambilila kuli vino Yeova, Yesu, na Paulo yakomelezyanga yauze? Nupya mungacita uli pakuti mwakomelezya yauze umu nzila isuma?
Izwi Lyakwe Leza Likatwazwa Ukuomba Ningo
Yeova akaomba ningo sana. Uzye aakamupepa nayo asi ali vino yafwile ukuomba?
Uzye Mukacindika Sana Izwi Lyakwe Yeova?
Cikazipa sana ndi cakuti antu yakwe Leza yakwezya na maka ukuuvwila ivyalembwa muli Baibo alino nu kutungilila iuvi lyakwe.
“Umulimo Uukulu”
Mwakwata isyuko lya kutungilila umulimo uu.
Vino Cali Pakuti Yafume Umu Mfinzi
Uzye antu yakwe Leza yasenzilwe umu uzya kuli Babiloni Mukulu umu myaka yakwe ya 200? Cali uli nupya alilaci lino yatandike ukupokelela ivyeo vyakuyazwa?
Yafumile Umu Mipepele ya Ufi
A lilaci lino antu yakwe Leza yafumile umu uzya kuli Babiloni Mukulu nu kuya antungwa?
“Ya Kakosoola ya Wene umu Britain—Zyukini!!”
Kutaali ukuvulilako kwakwe ya kakosola umu Britain pa myaka 10! I cani icalenzile ivintu visenuke?
